English | عربی | Kurdî دواهەواڵ
ڕاستەوخۆ  
 
سه‌عد حه‌دیسی: حكوومه‌ت به‌خێرایی وه‌ڵامی خۆپیشانده‌ران ده‌داته‌وه‌
2018-07-22 [06:41 AM]

ZNA- هه‌ولێر


سه‌عد حه‌دیسی، گوته‌بێژ به‌ناوی ئۆفیسی راگه‌یاندنی سه‌رۆكوه‌زیرانی عێراق ده‌ڵێت: "حكوومه‌تی عێراق شێوازێكی خێرای كاركردن بۆ جێبه‌جێكردنی بڕیاره‌كانی له‌باره‌ی داخوازییه‌كانی خۆپیشانده‌ران په‌یڕه‌و ده‌كات.

ئه‌مڕۆ یه‌كشه‌ممه‌ 22/7/2018 سه‌عد حه‌دیسی به‌ رۆژنامه‌ی سه‌باحی نیمچه‌ فه‌رمی حكوومه‌تی عێراقی گوتووه‌: "ئێستا حكوومه‌ت له‌ كاردایه‌ بۆ ئه‌وه‌ی په‌یامی دڵنیایی بداته‌ هاووڵاتیان به‌گشتی و خۆپیشانده‌ران به‌تایبه‌تی كه‌ به‌ كرده‌یی ئیراده‌یه‌ك هه‌یه‌ تا پۆزه‌تیڤانه‌ مامه‌ڵه‌ له‌گه‌ڵ داواكارییه‌كانیان بكات و بۆ ئه‌و مه‌به‌سته‌ هه‌نگاوی جددی بنێت و به‌خێرایی ئه‌و بڕیار و راسپاردانه‌ جێبه‌جێ بكات و به‌ په‌له‌ باشترین خزمه‌تگوزارییان بۆ دابین بكرێت و پرۆژه‌ ته‌واونه‌كراوه‌كان ته‌واو بكرێن و سه‌ره‌ڕای ئه‌وه‌یش پرۆژه‌ی دیكه‌ ئه‌نجام بدرێت و به‌خێرایی وه‌ڵامی داخوازییه‌كانی خۆپیشانده‌ران بدرێته‌وه‌".

حه‌دیسی گوتوویه‌تی: "شانه‌ی قه‌یران به‌پشتبه‌ست به‌و بڕیارانه‌ی له‌ ئه‌نجوومه‌نی وه‌زیرانه‌وه‌ ده‌رچوون و ئه‌و راسپاردانه‌ی له‌ كۆبوونه‌وه‌كانی دیكه‌دا ده‌ركراوون، له‌ دوا كۆبوونه‌وه‌ی خۆیدا لیژنه‌ی تایبه‌تی بۆ به‌دواداچوونی داواكارییه‌كانی خۆپیشانده‌ران پێكهێناوه‌ بۆ ئه‌وه‌ی به‌خێرایی وه‌ڵامی زۆرترین خاڵی داواكارییه‌كانیان بدرێته‌وه‌".

هه‌روه‌ها گوتوویه‌تی: "گرنگترین بڕیاری په‌یوه‌ست به‌ خۆپیشانده‌ران، به‌رزكردنه‌وه‌ی ده‌‌رخسته‌ی تایبه‌ته‌ به‌ پرۆژه‌ خزمه‌تگوزارییه‌ دواكه‌وتووه‌كان تا به‌ خێرایی ته‌وا بكرێن".

نزیكه‌ی دوو هه‌فته‌یه‌ پارێزگاكانی باشووری عێراق و ناوچه‌كانی دیكه‌ دژی نه‌بوونی كار و خزمه‌تگوزارییه‌ بنه‌ڕه‌تییه‌كانی وه‌ك ئاو و كاره‌با خۆپیشاندان ده‌كه‌ن و هێزه‌ ئه‌منی و سه‌ربازییه‌كانیی عێراقیش به‌شێوه‌یه‌كی توند وه‌ڵامیان داونه‌ته‌وه‌ و تا ئیستا ده‌یان كه‌س كوژراوون و سه‌دان كه‌سی دیكه‌ش بریندار بوون و ده‌ستگیركراوون.





ئەم هەواڵە 2005جار خوێندراوەتەوە
 
 
ڤیدیۆ گەلەری
سەگێک کچێک لە خنکان رزگار دەکات
سەمایەکی کیکی بەکارەسات کۆتایی پێدێت
ببینە ھاندەرانی بەرازیل چۆن بەرد بارانی ھەڵبژاردەکەیان دەکەن
وانەی وەرزش لە ژاپۆن
به‌ ڤيديۆ.. جيهانى ئه‌مڕۆمان چى به‌سه‌ردا هاتووه‌
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad