English | عربی | Kurdî دواهەواڵ
ڕاستەوخۆ  
 
به‌غدا...هێزه‌كانی ئه‌مه‌ریكا ده‌ورووبه‌ری باڵیۆز خانه‌كه‌یان ده‌گرن
2018-07-22 [07:34 AM]

​ZNA – هه‌ولێر


ئه‌مڕۆ یه‌كشه‌ممه‌، سه‌رچاوه‌یه‌كی ئه‌منی عێراقی رایگه‌یاند: "هێزی سه‌ربازی چوونه‌ته‌ ده‌وروبه‌ری باڵیۆزخانه‌ی ئه‌مه‌ریكا له‌ ناوچه‌ی سه‌وزی ناوه‌ڕاستی شاری به‌غدای پایته‌خت".

سه‌رچاوه‌ ئه‌منییه‌كه‌ به‌ پێگه‌ی ئه‌لیكترۆنی (بغداد اليوم)ی گوتووه‌: "هێز و كه‌ره‌سته‌ی سه‌ربازی براوه‌ته‌ ده‌وروبه‌ری باڵیۆزخانه‌ی ئه‌مه‌ریكا و له‌ شه‌وی شه‌ممه‌وه‌ ئاماده‌سازیی له دیوی‌ "جزيرة الاعراس" له‌ ناوچه‌ی جادرییه‌ كراوه‌".

گرتنه‌به‌ری ئه‌و رێوشوێنه‌ سه‌ربازییه‌ پاش خۆپیشاندانه‌كانی رۆژی هه‌یینی رابردووی مه‌یدانی ته‌حریری به‌غدایه‌ كه‌ سه‌ره‌نجام ‌ گرژی و توندوتیژی له‌نێوان خۆپیشانده‌ران و هێزه‌ ئه‌منی و سه‌ربازییه‌كاندا روویدا.

نزیكه‌ی دوو هه‌فته‌یه‌ پارێزگاكانی باشووری عێراق و ناوچه‌كانی دیكه‌ دژی نه‌بوونی كار و خزمه‌تگوزارییه‌ بنه‌ڕه‌تییه‌كانی وه‌ك ئاو و كاره‌با خۆپیشاندان ده‌كه‌ن و هێزه‌ ئه‌منی و سه‌ربازییه‌كانیی عێراقیش به‌شێوه‌یه‌كی توند وه‌ڵامیان داونه‌ته‌وه‌ و تا ئیستا ده‌یان كه‌س كوژراوون و سه‌دان كه‌سی دیكه‌ش بریندار بوون و ده‌ستگیركراوون.

 

 





ئەم هەواڵە 6505جار خوێندراوەتەوە
 
 
ڤیدیۆ گەلەری
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
ڤیدیۆیی .. ساتی کوشتنی تارا فارس
ھەڵۆیەک ھەوڵی رفاندنی منداڵێک دەدات
چەند دیمەنێکی سامناکی زریان و گەردەلوولەکەی ئەمریکا
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad