English | عربی | Kurdî دواهەواڵ
ڕاستەوخۆ  
 
خۆپیشاندان له‌ ‌به‌سره‌ به‌رده‌وامه‌
2018-07-22 [08:47 AM]

ZNA – هه‌ولێر


ڕۆژ به‌ڕۆژ ئاستی داواكاری خۆپیشاندەرانی بەغدا و باشووری عێراق بەرزترده‌بێته‌وه‌، ئەوان چیتر تەنیا بە دابینكردنی ئاو و كارەبا و خزمەتگوزارییەكان رازی نین بەڵكو داوای چاكسازی لە حكوومەت و پەرلەمانیش دەكەن.

بەشێك لە ھاووڵاتیانیش ئاماژە بۆ ئەوە دەكەن، حكومەت و پەرلەمان لە دابینكردنی سادەترین خزمەتگوزاری بۆ خەڵكی عێراق شكستییان ھێناوە.

یه‌كێك له‌ خۆپیشانده‌رانی به‌سره‌ ده‌ڵێت: "حكوومەت بەكاری خۆی ھەڵناستێت و پەرلەمانیش شكستیھێناوە، خەڵك داوای حكوومەتێكی سەرۆكایەتی دەكات سەرۆكێك ھەموو دەسەڵاتێكی ھەبێت چونكە ھەموو خەڵك لە ئازاردایە ".

خەڵكی عێراق بۆی روونبووەتەوە، كە حكوومەت و ئەنجوومەنی نوێنەران چەندین ملیار دۆلاریان بەھەدەر داوە و شكستیانھێناوە، لە ھێنانەدی خۆشگوزەرانی بۆ ھاووڵاتیان تەنانەت نەیانتوانیوە سادەترینی خزمەتگوزارییەكانیشییان بۆ دابین بكەن.

خۆپیشاندەرێكی دیكه‌ش ده‌ڵێت: "من چل ساڵ خزمەتی دەوڵەتم كرد، ئەوەی پەرلەمانتارێك دەستیكەوت من بەچل ساڵ  دەستم نەكەوت، بۆ؟ چونكە جیاوازی لەنێوان گەل و بەرپرسان ھەیە، چەندین ملیار دۆلار دزرا كەس لێپێچینەوەی لەگەڵ نەكرا"

بەگوێرەی ئاماری كۆمسیۆنی باڵای مافەكانی مرۆڤ لە عێراق، لە خۆپیشاندان لە پارێزگاکانی ناوەڕاست و باشووری عێراق و  15 كەس كوژراون و نزیکەی 630 کەس بوونەتە قوربانی و بەدەیان خۆپیشاندەریش لەلایەن هێزە ئەمنییەکانەوە دەستگیرکراون.

 

 





ئەم هەواڵە 6556جار خوێندراوەتەوە
 
 
ڤیدیۆ گەلەری
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
ڤیدیۆیی .. ساتی کوشتنی تارا فارس
ھەڵۆیەک ھەوڵی رفاندنی منداڵێک دەدات
چەند دیمەنێکی سامناکی زریان و گەردەلوولەکەی ئەمریکا
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad