English | عربی | Kurdî دواهەواڵ
ڕاستەوخۆ  
 
یەکەم کاروانی حاجییانی کوردستان بەرەو سعودیە بەڕێ کەوت
2018-07-23 [05:16 AM]

ZNA- هه‌ولێر


یەکەم کاروانی حاجییانی هەرێمی کوردستان بەرەو سعودیە بۆ ئەنجامدانی ئەرکەکانی حەج، بەڕێ کەوت.

 

کاروانەکە سەرلەبەیانیی رۆژی دووشەممە 23/7/2018 لە فڕۆکەخانەی نێودەوڵەتیی هەولێر بەرەو شاری مەدینە لە سعودیە بەڕێ کەوت.

 

نەبەز ئیسماعیل، بەڕێوەبەری راگەیاندن و پەیوەندییەکانی وەزارەتی ئەوقاف و کاروباری ئاینیی حکوومەتی هەرێمی کوردستان لە پەیجی تایبەتیی خۆی لە تۆڕی کۆمەڵایەتیی (فەیسبووک) چەند زانیارییەکی لەبارەی پرۆسەکە بڵاو کردووەتەوە.

 

نەبەز ئیسماعیل رایگەیاندووە، کە ژمارەی حاجییانی هەرێمی کوردستان پێنج هەزار و 496 کەسە و لەماوەی 15 رۆژدا هەموویان دەنێردرێنە سعودیە.

 

بەڕێوەبەری راگەیاندن و پەیوەندییەکانی وەزارەتی ئەوقاف هەروەها رایگەیاندووە، بڕیارە تا رۆژی 7/8/2018 هەموو حاجییانی هەرێمی کوردستان لەڕێی هەردوو فڕۆکەخانەی نێودەوڵەتیی هەولێر و سلێمانی، بگوازرێنەوە سعودیە.

 

حەج ئەرکێکی ئاینیی ئیسلامییە لەسەر موسڵمانان، کە دەبێ بە هەبوونی چەند مەرج و رێنماییەک، موسڵمانان بۆ جارێک لە ژیانیان، لەکاتی دیاریکراو سەردانی مەککە (قیبلەی موسڵمانان) بکەن.





ئەم هەواڵە 3349جار خوێندراوەتەوە
 
 
ڤیدیۆ گەلەری
فرۆکەوانێک بەم شێوەیە رێز لە مامۆستاکەی دەگرێت
کچێک بە موعجیزە رزگاری دەبێت
لە عێراق بەم شێوەیە ئاوی باران لادەدەن ، بە دڵنیایی دوو جار سەیری دەکەیەوە
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad