English | عربی | Kurdî دواهەواڵ
ڕاستەوخۆ  
 
ئوستانی ئازەربایجانی جنوبی
2016-01-17 [11:20 AM]

نووسینی: عەلی عەونی


*لەم وڵاتەی كوردستانی ناوە، باوەر ناكەم كەس گومانی هەبێت كە هەم لە رووی نەتەوەییەوە جیاوازین و هەم لە رووی خاك و نیشتمانەوە. بەو پێیەش، لە رووی دابونەریت و رۆشنبیری و تەنانەت كەش و هەوا و دار و درەخت و ئاژەڵیشەوە لە دەرودراوسێی خۆمان جیاوازین. بۆیە، خاكەكەمان كوردستانی ناوە و گەلەكەشمان گەلی كوردستان.


بەڵام، بەپێی ئەو گەنگاشە و گفتوگۆیانەی كە لە كوردستاندا ـ بڕوایان بەوە نەهێناوە كە ئەم خاكە داگیر كراوە و ئیرادەی ئەم ـ گەلە پێیبەستكراوە.


بەم جۆرە نەزانییە دەبێت بگوترێت ((ژ دەستێ خەست)). ئێستاش بە ئەو پەڕی نەزانی و روو قایمیەوە، بیانوو بۆ باس نەكردن لە سەربەخۆیی، بۆ مانەوە لە ژێر دەستی، دێننه‌وه!!.


ئێستاش، كەسانێك هەن كە زیاتر پێیانخۆشە ناوی سلێمانی ببێتە ((ئوستانی ئازەربایجانی جنوبی)) نەوەك ئەم شارە حەیاتە لە قەوارەی كوردستانی سەربەخۆ دابێت.


ئەم جۆرە دیسكۆرس و گەنگاشەیە بە ڕواڵەت بەرگی كوردستانیانە بەرگی لۆژیكی و هزری و زانستی لە بەركراوە، بەڵام كاكلەكەی لە لایەن كەسانێك باسدەكرێت، كە هێشتا لە قاوغی عەشایەری و ناوچە گەرێـی و گرێی دەروونی دژی ئەم كەس و ئەم ناوچە و ئەم زارە و ئەم حزبە رزگاریان نەبووە. ئەمە لە لایەك، لە لایەكی دیكەوە هەندێكیان بە نەزانی و هەندێكیان بە زانایی و بە ئانقەست بۆ خزمەتی داگیركەران و هێشتنەوەی كوردستان بە داگیركراوی، دژی پرس سەربەخۆیی بیانوو دێننەوە تیۆر و بیردۆزی بۆ ساز دەدەن.


((گەمژەییەكی خەستە)) بۆ ئەوانەی وا دەزانن لە بابەتی سەربەخۆییدا ئەردۆگان و توركیا رازین و پشتمان دەگرن، بەڵكو ئەمە قۆناغەكەیە كە ئەردۆگان و خامەنەیی لە كاتی راگەیاندنی سەربەخۆیی كوردستاندا، هیچ بژاردەیەكیان نییە جگە قبوولكردن و رازیبوون بە ئەنجامەكان.


بۆیەش، دەبوایە لە جیاتی دژایەتیكردنی سەربەخۆیی و هێنانی بڕوبیانووی پووچ، زۆر زەلال بەخەڵك بڵێن ئێمە دەمانەوێت ژێر دەست بین، ئێمە پێمانخۆشترە داگیركراوبین نەك پارتی و بارزانی پێشەنگی بەدیهێنانی سەربەخۆیی بن بۆ كوردستان!!


ئەو سەقایەی هەڵگرانی بیری بزووتنەوەی رزگاری نەخوازی لە شاری سلێمانیدا خوڵقاندوویانە و كۆمەڵێك گەنجی دڵپاكیان والێكردووە كە هەرچی بزووتنەوەی گۆڕان ((بزووتنەوەی رزگاری نەخوازی)) نەیگوتبێت، راست نییە، مادام گردەكە ـ دژی سەربەخۆییە، كەواتە سەربەخۆیی پیلانی دوژمنانە !! دەبێت ئەم سەقایە لە رووی هزرییەوە بگۆڕدرێت. من ـ دڵنیام خەڵكی سادە و كاسبكار و جووتیار و رۆشنبیرە ئالوودەنەبووەكان بە نەخۆشیی كورتبینی سەری گردەكە، رێگا نادەن شاری سلێمانی لە پێشەنگی بۆ هەڵمەت و قوربانی و هزری نەتەوەیی بكەوێتە دوای شارەكانی دیكە. ئێستا، خەریكە لەم شارە حەیاتەدا بزاڤێك بۆ گەڕانەوە و بەخۆداچوونەوە دەستپێدەكات، كەم نین ئەو لاوە رۆشنبیرانەی كە لە خۆیان دەپرسن چ قەوماوە كە ئەو سلێمانییەی شۆرشی ـ شێخ مەحمودی نەمری لە باوەش گرت و حزبی هیوای دروستكرد و بارزانی نەمری لە باوەش گرت، ئەمڕۆ ناشرینترین گفتوگۆی دژی سەربەخۆیی تێدا بەڕیوەدەچێت؟!


ئێستا، خانەوادە رەسەنەكانی شار دەپرسن، بۆچی ئەوانەی دەبێت لە دژی سروودی ئەی رەقیب بن سەر بەم شارە بن، بۆچی دژایەتیی ئاڵای كوردستان و سەربەخۆیی دەبێت لەم شارە بێت، بۆچی هەموو كوردستان تەنانەت، پارچەكانی دیكەش، پێیوایە ئەم حكوومەتە بەهەموو كەموكووڕییەكانەوە حكوومەتی خەڵكی كوردستانە و دەبێت بپارێزرێت، بەڵام لەم شارە دەبێت پەلامار بدرێت و دژایەتی بكرێت؟!


ئەمە قەدەر و چارەنووسی كوردستانە، كە دەبێت ئێستا پارتی و بارزانی بەتەنیا باسی سەر بەخۆیی كوردستان بكەن، بەتەنیا بەرگری لە حكوومەتی هەرێم و ئاڵا و سروود و سیمبولەكانی بكەن.


لایەنەكانی دیكە، ئەگەر بەرگریش بكەن، یان بە دەنگی نزم و یان بە ـ شەرمەوە دەیكەن!!.





ئەم هەواڵە 3883جار خوێندراوەتەوە
 
 
ڤیدیۆ گەلەری
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
ڤیدیۆیی .. ساتی کوشتنی تارا فارس
ھەڵۆیەک ھەوڵی رفاندنی منداڵێک دەدات
چەند دیمەنێکی سامناکی زریان و گەردەلوولەکەی ئەمریکا
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad