English | عربی | Kurdî دواهەواڵ
ڕاستەوخۆ  
 
له‌ هیندستان كه‌سێك به‌ گومانی سه‌ربڕینی مانگا كوژرا
2018-07-23 [08:54 AM]

ZNA- هه‌ولێر


له‌به‌ر ئه‌وه‌ی كه‌ مانگا له‌ چه‌ندین به‌شی وڵاتی هیندستان به‌ پیرۆز هه‌ژمار ده‌كرێت، له‌ ویلایه‌تی راجستانی ئه‌م وڵاته‌ش گه‌نجێكی موسڵمانی ته‌مه‌ن 28 ساڵان له‌سه‌ر شه‌قام له‌لایه‌ن هیندۆزه‌كان كوژرا، ئه‌وه‌ش به‌و گومانه‌ی كه‌ نیازی هه‌یه‌ چه‌ند مانگایه‌ك بباته‌ كوشتارگه‌ی ئاژه‌ڵان.

هه‌ر به‌و گومانه‌ 7 كه‌س له‌ هیندۆزه‌ توندڕه‌و و ده‌مارگرژه‌كانی گوندێكی راجستان دوو پیاوی موسڵمانیان دایه‌ به‌ر بۆكس و پێله‌قه‌ و تاڕاده‌ی كوشتن لێیاندان، به‌جۆرێك كه‌ لێدانه‌كه‌ ئه‌وه‌نده‌ قورس بووه‌ یه‌كێك له‌و دوو كه‌سه‌ له‌ رێگه‌ی نه‌خۆشخانه‌ گیانی له‌ده‌ستداوه‌.

پۆلیسی ناوچه‌كه‌ له‌ زمانی 7 كه‌سه‌ هیندۆزه‌كه‌وه‌ وتوویه‌تیی كه‌ ئه‌وان پێیان وابووه‌ ئه‌و گه‌نجه‌ و هاوڕێكه‌ی قاچاخچی مانگا بوونه‌ و نیازیان هه‌بووه‌ مانگاكان به‌رن بۆ كوشتارگه‌ی ئاژڵان به‌ مه‌به‌ستی سه‌ربڕین. هه‌ڵبه‌ت تا ئێستا هیچكام له‌ هێرشبه‌ره‌كان ده‌ستگیر نه‌كراون.

ئه‌نجومه‌نه‌ ئیسلامییه‌كانی ناوچه‌كه‌ وتوویانه‌ كه‌ ئه‌و دوو كه‌سه‌ له‌ رێگه‌ی گه‌ڕانه‌وه‌ بوونه‌ به‌ره‌و گونده‌كه‌ی خۆیان و به‌هیچ شێوه‌یه‌ك نیازی سه‌ربڕینی مانگاكانیان نه‌بووه‌.

شایه‌نی ئاماژه‌یه‌ كه‌ له‌ هیندستان هه‌موو ساڵێك ژماره‌یه‌كی زۆر له‌ موسڵمانان و دالیته‌كان (چینێك كه‌ ئاست نزمترین پێگه‌یان هه‌یه‌ و هیچ مافێكی كۆمه‌ڵایه‌تییان نییه‌ ) له‌لایه‌ن هیندۆزه‌كانه‌وه‌ هێرشیان ده‌كرێته‌سه‌ر.





ئەم هەواڵە 4540جار خوێندراوەتەوە
 
 
ڤیدیۆ گەلەری
فرۆکەوانێک بەم شێوەیە رێز لە مامۆستاکەی دەگرێت
کچێک بە موعجیزە رزگاری دەبێت
لە عێراق بەم شێوەیە ئاوی باران لادەدەن ، بە دڵنیایی دوو جار سەیری دەکەیەوە
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad