English | عربی | Kurdî دواهەواڵ
ڕاستەوخۆ  
 
نێچیرڤان بارزانى پێشوازى له‌ كونسولى نوێى ئه‌مه‌ریكا كرد
2018-07-23 [01:46 AM]

ZNA-هەولێر


پێشنیوه‌ڕۆی ئه‌مڕۆ دووشه‌ممه‌ 23/7/2018 به‌ڕێز نێچیرڤان بارزانی سه‌رۆك وه‌زیرانی هه‌رێمی كوردستان، پێشوازی له‌ به‌ڕێزان كین گرۆس، كونسولی پێشوو و ستیڤ ڤاگن، كونسولی نوێی ئه‌مه‌ریكا له‌ هه‌رێمی كوردستان و شاندێكی یاوه‌ریان كرد.

له‌ دیدارێكدا باس له‌ په‌یوه‌ندییه‌كانى هه‌رێمی كوردستان و ئه‌مه‌ریكا كرا و به‌ڕێز گرۆس سوپاسی هاوكاری و ئاسانكارییه‌كانی حكوومه‌تی هه‌رێمی كوردستانی كرد بۆ كار و چالاكییه‌كانی له ‌ماوه‌ی دوو ساڵی ڕابردووی كاركردنیدا و هیوای خواست ئه‌م ئاسانكاری و هاریكارییانه‌ بۆ به‌ڕێز كونسولی نوێ به‌رده‌وام بێت.

شاندی میوان هیوای خواست په‌یوه‌ندییه‌كانی نێوان هه‌رێمی كوردستان و ئه‌مه‌ریكا له‌ هه‌موو بواره‌كاندا په‌ره‌ی زیاتری پێ بدرێت و ئاماده‌ییی خۆیان ده‌ربڕی كه‌ له‌ ئێستا و داهاتوودا پشتگیرى له‌ پرۆسه‌ی سیاسیی عێراق و هه‌رێمی كوردستان بكه‌ن.

لای خۆیه‌وه‌ به‌ڕێز سه‌رۆك وه‌زیرانی هه‌رێمی كوردستان هیوای سه‌ركه‌وتنی بۆ به‌ڕێز كین گرۆس له‌ ئه‌ركی نوێیدا خواست و كار و ئه‌ركه‌كانیشی له‌ ماوه‌ی كاركردنیدا له‌ هه‌رێمی كوردستان به‌رز نرخاند، به‌تایبه‌تی كه‌ كاتێكی سه‌خت بوو، هه‌روه‌ها دووپاتی كرده‌وه‌ هه‌رێمی كوردستان له‌ بره‌ودان به‌ په‌یوه‌ندییه‌كانی له‌گه‌ڵ ئه‌مه‌ریكا له‌ هه‌موو بواره‌كاندا به‌رده‌وام ده‌بێت و هاوكاری و ئاسانكاریی داموده‌زگاكانی حكوومه‌تی هه‌رێمی كوردستانیشی بۆ به‌ڕێز كونسولی نوێ نیشان دا.

تاوتوێكردنی په‌یوه‌ندییه‌كانی هه‌ولێر ـ به‌غدا و ڕووداوه‌كانی ئه‌م دواییه‌ی باشووری عێراق و بارودۆخی ناوخۆی هه‌رێمی كوردستان، لایه‌نێكی دیكه‌ی دیداره‌كه‌ بوو.





ئەم هەواڵە 4246جار خوێندراوەتەوە
 
 
ڤیدیۆ گەلەری
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
ڤیدیۆیی .. ساتی کوشتنی تارا فارس
ھەڵۆیەک ھەوڵی رفاندنی منداڵێک دەدات
چەند دیمەنێکی سامناکی زریان و گەردەلوولەکەی ئەمریکا
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad