 |
|
|||
ZNA - هەولێر ئه‌مڕۆ دووشه‌ممه 23/ 7/ 2018، ئه‌نجومه‌نى پارێزگاى به‌سڕه، ڕایده‌گه‌یه‌نێت: داواى به فیدڕاڵیكردنى پارێزگاكه‌یان، له‌لایه‌ن 15 ئه‌ندامى ئه‌نجومه‌مه‌نه‌كه‌وه واژۆى له‌سه‌ر كرا و به‌م نزیكانه بۆ حكوومه‌تى فیدڕاڵی، به‌رزى ده‌كه‌نه‌وه. ئه‌حمه‌د سڵێتى، ئه‌ندامى ئه‌نجومه‌نى پارێزگاى به‌سڕه، ڕایگه‌یاند: "تائێستا له كۆى 35 ئه‌ندام، واژۆى 15 ئه‌ندامى ئه‌نجومه‌نى پارێزگاكه بۆ به‌هه‌رێمكردنى به‌سڕه، كۆ كراوه‌ته‌وه و به‌پێی یاسا، داواكه پێویستی به‌واژۆى یه‌ك له‌سه‌ر سێی ئه‌ندامانى ئه‌نجومه‌نه‌كه‌یه كه ده‌كاته 12 ئه‌ندام. ئه‌حمه‌د باسى له‌وه‌ش كرد: كه داواكه به‌م نزیكانه بۆ حكوومه‌تى ماوه ته‌واوبووى عێراقی به‌رز ده‌كه‌نه‌وه بۆ ئه‌وه‌ى ڕیفراندۆمى له‌سه‌ر بكرێت. هه‌روه‌ها گوتیشی: "پێویسته له‌سه‌ر حكوومه‌ت، داواكه بۆ كۆمسیۆنى باڵاى سه‌ربه‌خۆى هه‌ڵبژاردنه‌كان ڕه‌وانه بكات، بۆ ئه‌وه‌ى ڕیفراندۆمه‌كه ئه‌نجام بدرێت". ئەم هەواڵە 1936جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad