English | عربی | Kurdî دواهەواڵ
ڕاستەوخۆ  
 
کۆمیسیۆن كاتی وەرگرتنی لیستی ناوی بەربژێرانی درێژکردەوە
2018-07-25 [07:58 AM]

ZNA-هه‌ولێر


کۆمیسیۆنی ھەڵبژاردن و راپرسی ھەرێمی کوردستان وادەی وەرگرتنی لیستی ناوی بەربژێرانی درێژکردەوە و رایگەیاند، رۆژی ٢٩ـی ئەم مانگە دوایین رۆژ دەبێت. 

ئەمڕۆ سێشەممە ٢٥-٧-٢٠١٨، کۆمیسیۆنی ھەڵبژاردن و راپرسی ھەرێمی کوردستان لە کۆنفرانسێکی رۆژنامەڤانیدا  وادەی وەرگرتنی لیستی ناوی بەربژێرانی درێژکردەوە و بڕیاریدا تاوەکو ٢٩ـی تەمووز ناوی بەربژێری لیست و قەوارەکان وەربگرێت.

شێروان زرار، گوتەبێژی کۆمیسیۆنی باڵای سەربەخۆی ھەڵبژاردن و راپرسی  لە کۆنفرانسە رۆژنامەڤانییەکەدا رایگەیاند: "٢٩ قەوارە و لیست بۆ خولی پێنجەمی ھەڵبژاردنی پەرلەمانی کوردستان تۆمارکراون".

گوتەبێژی کۆمیسیۆنی باڵای سەربەخۆی ھەڵبژاردن دەڵێت: "ئەگەر ھەر لیست و قەوارەیەک تاوەکو ئەو وادەیەی دیاریمانکردووە لیست و ناوی بەربژێرانی پێشکەش نەکات بێبەش دەبێت لە بەشدارییکردن لە خولی پێنجەمی پەرلەمانی کوردستان".

شێروان زرار دەشڵێت، ھەفتەی رابردوو کۆبوونەوەیان لەگەڵ لیست و قەوارە سیاسییەکان ئەنجامدا و داوامان لێکردوون کە ناوی پاڵێوراوەکان بەزووترین کات پێشکەش بکەن. 

بەگوتەی شێروان زرار، ئەو لیست و قەوارانەی تاوەکو ئێستا ناوی خۆیان لە کۆمیسیۆن تۆمارکردووە، بریتین لە: پارتی پارێزگاران، لیستی سەردەم، لیستی ھاوپەیمانی، پێکھاتەی ئەرمەن و پێکھاتەی تورکمان بەشی زۆریان لیستی ناوی پاڵێوراوانیان پێشکەش کردووە. 

رۆژی ٣٠-٩-٢٠١٨، ھەڵبژاردنی خولی پێنجەمی پەرلەمانی کوردستان ئەنجامدەدرێت و کۆمیسیۆنیش ٢٥ـی ئەم مانگەی وەک دوا وادە بۆ پێشکەشکردنی ناوی بەربژێرانی پەرلەمانی کوردستان دیاریکردبوو، ھەرچەندە ھێشتا پێنج لایەنە سەرەکییەکەی ھەرێمی کوردستان ناوی بەربژێرەکانیان نەداوەتە کۆمیسیۆن و تەنھا چەند لایەنێکی تورکمانی و مەسیحی ناوی کاندیدەکانیان پێشکەشکردووە. ئەمڕۆش کۆمیسیۆن دوا وادەی بۆ وەرگرتنی لیستی ناوی بەربژێران دیاریکرد.





ئەم هەواڵە 1942جار خوێندراوەتەوە
 
 
ڤیدیۆ گەلەری
سەگێک کچێک لە خنکان رزگار دەکات
سەمایەکی کیکی بەکارەسات کۆتایی پێدێت
ببینە ھاندەرانی بەرازیل چۆن بەرد بارانی ھەڵبژاردەکەیان دەکەن
وانەی وەرزش لە ژاپۆن
به‌ ڤيديۆ.. جيهانى ئه‌مڕۆمان چى به‌سه‌ردا هاتووه‌
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad