English | عربی | Kurdî دواهەواڵ
ڕاستەوخۆ  
 
به‌ڤیدیۆ... کچێکی سویدی پەنابەرێک لە دیپۆرتکردن رزگاردەکات
2018-07-25 [08:09 AM]

ZNA-هه‌ولێر


کچێکی سوویدی کاتێک دەزانێت لەناو فڕۆکەکەی پەنابەرێکی ئەفغانی لێیە و بە ناچاری دیپۆرتدەکرێتەوە، رەتی دەکاتەوە لەسەر کورسییەکەی دابنیشێت و داوا لە سەرنشینانی فڕۆکەکە دەکات نەھێڵن ئەو پەنابەرە بۆ وڵاتەکەی دیپۆرت بکرێتەوە.

ئیلن ئێرسۆن تیکتی فڕۆکەی لە گوتنبێرگی سوویدە بۆ ئیستەنبوڵ کریبوو و دەیویست بۆ گەشتکردن بچێتە وڵاتی تورکیا، بەڵام کاتێک بە رووداوەکە دەزانێت، لە رێگای ھەژماری خۆی لە تۆڕی کۆمەڵایەتی فەیسبووک، ڤیدیۆی راستەوخۆ دەکاتەوە و دەگری و داوای وەستاندنی دیپۆرتکردنەوەی پیاوە ئەفغانییەکە دەکات.

بەگوێرەی ھەواڵێکی رۆژنامەی گاردیانی بەریتانی، کچەکە بە سەرنشینانی فڕۆکەکە دەڵێت: "من نامەوێت کەسێک ژیانی لەدەستبدات تەنھا لەبەرئەوەی گەشتی فڕۆکەکەم لە دەستنەدەم".

سەرەڕای رێگری کارمەندانی فرۆکە و ھەندێک لە سەرنشینان، ئیلن سەرکەوتوو دەبێت لە کارەکەی و کارمەندانی فڕۆکەکە ناچار دەکات گەشتی پەنابەرە ئەفغانییەکە ھەڵبوەشێننەوە.

کچەکە ئێستا وەک پاڵەوانی سۆشیال میدیا لە سووید تەماشا دەکرێت و ھەندێکیش رەخنەی لێدەگرن بەوەی وڵاتەکەیان دەخاتە مەترسییەوە.





ئەم هەواڵە 10213جار خوێندراوەتەوە
 
 
ڤیدیۆ گەلەری
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
ڤیدیۆیی .. ساتی کوشتنی تارا فارس
ھەڵۆیەک ھەوڵی رفاندنی منداڵێک دەدات
چەند دیمەنێکی سامناکی زریان و گەردەلوولەکەی ئەمریکا
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad