English | عربی | Kurdî دواهەواڵ
ڕاستەوخۆ  
 
بنەماڵەی یەکێک لە ھێرشکارەکانی سەر پارێزگای ھەولێر روونکردنەوەیەک بڵاو دەکەنەوە 
2018-07-25 [11:35 AM]

ZNA  - ھەولێر 



بنەماڵەی یەکێک لە ھێرشکارەکانی سەر باڵەخانەی پارێزگای ھەولێر روونکردنەوەیەک لەبارەی کوڕەکەیان بڵاودەکەنەوە و رایدەگەیێنن، بێئاگایی و بێبەریی خۆمان لەو کارە تیرۆریستییەی کە مێردمنداڵێکی ئێمە ئەنجامیداوە رادەگەیێنین.

ئەمڕۆ چوارشەممە ٢٥-٧-٢٠١٨، بنەماڵەی مامۆستا مەلا شێخ عەبدولڕەحمان وەرتی، کە دەکاتە کەسوکاری (بیلال سلێمان عەبدولڕەحمان ئەحمەد) روونکردنەوەیەکیان بڵاوکردەوە و بێبەریی خۆیان لەو ھێرشەی سەر باڵەخانەی پارێزگای ھەولێر راگەیاند. 

لە بەشێکی روونکردنەوەکەدا لەبارەی ئەو ھێرشە رایدەگەیێنن: "بێئاگایی و بێبەریی خۆمان لەو کارە تیرۆریستییەی کە مێردمنداڵێکی ئێمە پێی ھەڵخەڵەتێندراوە و پێیھەڵساوە لە ھێرشکردنەسەر باڵەخانەی پارێزگای ھەولێر رادەگەیێنین و، ئەگەر کەمێ گومانمان لە فکری تووندوتیژی و کاری تیرۆریستی ئەو مێردمنداڵە ھەبووایە ئەوا خۆمان رادەستی ئاسایشمان دەکرد".

لە بەشێکی دیکەی روونکردنەوەکەشدا ئاماژە بەوە دەدەن کە، "بێزاری خۆمان لەو کارە قێزەونە تیرۆریستییە دەردەبڕین و ھەمیشە خزمەتکاری خاک و خەڵکی خۆمان بین". 


بیلال سلێمان ناوی یەکێک لە ھێرشکارەکانی سەر باڵەخانەی پارێزگای ھەولێرە و خەڵکی پارێزگای ھەولێر بووە، تەمەنی ١٨ساڵ بوو و لەگەڵ خێزانەکەی لە گەڕەکی قەڵاتی نوێی ھەولێر نیشتەجێبوون.

 





ئەم هەواڵە 9670جار خوێندراوەتەوە
 
 
ڤیدیۆ گەلەری
فرۆکەوانێک بەم شێوەیە رێز لە مامۆستاکەی دەگرێت
کچێک بە موعجیزە رزگاری دەبێت
لە عێراق بەم شێوەیە ئاوی باران لادەدەن ، بە دڵنیایی دوو جار سەیری دەکەیەوە
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad