English | عربی | Kurdî دواهەواڵ
ڕاستەوخۆ  
 
نێچیرڤان بارزانی پێشوازی له‌ نووژین مسته‌فا ده‌كات
2018-07-26 [12:10 PM]

ZNA - هه‌ولێر


 

پێشنیوه‌ڕۆی ئه‌مڕۆ پێنجشه‌ممه‌ 26/7/2018 به‌ڕێز نێچیرڤان بارزانی سه‌رۆك وه‌زیرانی هه‌رێمی كوردستان، پێشوازی له‌ كچه‌ چالاكڤانی دیارى كورد و داكۆكیكار له‌ مافی په‌نابه‌ران به‌تایبه‌تی په‌نابه‌رانی سووریا له‌ ده‌ره‌وه‌ى وڵات، خاتوو نووژین مسته‌فا كرد.

 

 

له‌ دیدارێكدا خاتوو نووژین وێڕاى ده‌ربڕینى خۆشحاڵی به‌ دیدارى به‌ڕێزیان، پوخته‌یه‌كی ده‌رباره‌ی كار و چالاكییه‌كانی بۆ داكۆكیكردن له‌ مافه‌كانی په‌نابه‌رانی سووریا له‌ ده‌ره‌وه‌ى وڵات پێشكه‌ش كرد و هیوای خواست حكوومه‌تی هه‌رێمی كوردستان و به‌ڕێز سه‌رۆك وه‌زیران پشتیوان و هاوكارى كار و چالاكییه‌كانی بن، به‌تایبه‌تی كه‌ به‌نیازه‌ بۆ خزمه‌تى زیاتر ڕێكخراوێكی كۆكردنه‌وه‌ی كۆمه‌ك و هاوكاری بۆ په‌نابه‌ران دابمه‌زرێنێت.

 

لای خۆیه‌وه‌ به‌ڕێز نێچیرڤان بارزانى وێڕاى ده‌ستخۆشی له‌ خاتوو نووژین، پشتگیریی خۆی بۆ سه‌رخستنی كار و چالاكییه‌كانی نیشان دا و هیوای خواست له‌سه‌ر ئاستی نێوده‌وڵه‌تی و هه‌رێمی به‌رده‌وام بێت تاكو به‌بێ جیاوازی ببێته‌ ده‌نگی هه‌موو پێكهاته‌كانی سووریا، به‌و هیوایه‌ى دۆخی ئه‌وێ ئاسایی ببێته‌وه‌ و هه‌موو په‌نابه‌ران بتوانن بگه‌ڕێنه‌وه‌ سه‌ر ماڵ و حاڵی خۆیان و ده‌ست به‌ ژیانێكی ئاسایی بكه‌نه‌وه‌.

 

خاتوو نووژین مسته‌فا كه‌ خاوه‌ن پێداویستی تایبه‌ته،‌ خه‌ڵكی كۆبانێ یه‌ و به‌مه‌به‌ستی به‌شداریكردن له‌ پرۆگرامی تێدێكس نیشتمان له‌ هه‌ولێر، سه‌ردانی هه‌رێمی كوردستانی كردووه‌.





ئەم هەواڵە 5665جار خوێندراوەتەوە
 
 
ڤیدیۆ گەلەری
فرۆکەوانێک بەم شێوەیە رێز لە مامۆستاکەی دەگرێت
کچێک بە موعجیزە رزگاری دەبێت
لە عێراق بەم شێوەیە ئاوی باران لادەدەن ، بە دڵنیایی دوو جار سەیری دەکەیەوە
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad