English | عربی | Kurdî دواهەواڵ
ڕاستەوخۆ  
 
داوا ده‌كات به‌زووترین كات كابینه‌ى نوێى حكوومه‌ت پێكبهێنرێت
2018-07-27 [12:04 PM]

ZNA - هه‌ولێر


مه‌رجه‌عیه‌تى ئایینى باڵاى شیعه‌كان له‌ عێراق، داوا دەکات به‌زووترین كات كابینه‌ى نوێى حكوومه‌ت له‌سه‌ر بناغه‌یه‌كى دروست پێكیهێنرێت.
 
ئه‌مڕۆ هه‌ینى 27ى ته‌مووز، به‌پێی هه‌واڵێكى (سۆمه‌رییه‌ نیوز)، مه‌رجه‌عیه‌تى ئایینى باڵاى شیعه‌كان له‌ عێراق، داواى كرد به‌زووترین كات كابینه‌ى نوێى حكوومه‌ت له‌سه‌ر بناغه‌یه‌كى دروست پێكیهێنرێت، جه‌ختى كرده‌وه‌ كه‌ ده‌بێ سه‌رۆك وه‌زیرانى داهاتوو خاوه‌ن كه‌سایه‌تییه‌كى به‌هێز و لێهاتوو بێت و جه‌نگ له‌دژ گه‌نده‌ڵكاران رابگه‌یه‌نێ .

عه‌بدولمه‌هدى كه‌ربه‌لائى، نوێنه‌رى عه‌لى سیستانى، گه‌وره‌ مه‌رجه‌عى شیعه‌كان له‌ عێراق، رای گەیاندووە: ده‌بێ حكوومه‌تى عێراق له‌وه‌ بكۆڵێته‌وه‌، كه‌ ده‌توانێت له‌م هەڵومه‌رجه‌دا چى بۆ جێبه‌جێكردنى داواكارى خۆپیشانده‌ران بكات ، ئاماژە بەوەش دا کە‌‌‌‌‌ ئه‌گه‌ر په‌رله‌مانى داهاتوو و حكوومه‌ت به‌ده‌م داواكارى خۆپیشانده‌رانه‌وه‌ نه‌یه‌ن ، ئه‌وا هاونیشتمانیان شێوازى ئاشتیخوازانه‌ى‌ نوێ ده‌گرنه‌به‌ر بۆ به‌ده‌ستهێنانى داواكارییه‌كانیان .

هه‌روه‌ها نوێنه‌رى سیستانى داوای كردووە: په‌له‌ بكرێت له‌ دانانى یاساى نوێ بۆ رێگریكردن له‌ پێدانى ئیمتیازات به‌ به‌رپرسان .





ئەم هەواڵە 7627جار خوێندراوەتەوە
 
 
ڤیدیۆ گەلەری
فرۆکەوانێک بەم شێوەیە رێز لە مامۆستاکەی دەگرێت
کچێک بە موعجیزە رزگاری دەبێت
لە عێراق بەم شێوەیە ئاوی باران لادەدەن ، بە دڵنیایی دوو جار سەیری دەکەیەوە
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad