English | عربی | Kurdî دواهەواڵ
ڕاستەوخۆ  
 
کار بۆ پاراستنا پێکڤەژیانا ئاینی ل کوردستانێ
2018-07-28 [08:36 AM]

نووسینی: هوزان عەبدوللا


کێشەیێن ھەری مەزن یێن ناڤا کۆمەلگەھێن جیھانی ب درێژاھیا دیروکێ نە قەبولکرنا کەلتورێن جێواز بوویە دناڤا وێ کۆمەلگەھێ دا، پتریا وان شەرێن مەزن یێن ھاتینە کرن ژی، زوورینەیان، یا خوە ل سەر کەمینەیان فەرز کری و پێکۆلێن ژناڤبرنا وێ چینێ کرینە، کوردستان ژی ئێک ژ وان جھان بوویە یێن پتریا کەلتوور و ئاینێن جێواز دناڤا ھەمبێزا خوەدا حەواندین.
کوردستان ئێک ژ وان جھان بوویە یێن ب درێژیا دیروکێ وەلاتێن دەوروبەر کربوو نێچیرەکا بەردەوام بو ژناڤبرنا وان مللەتێن دناڤا ئاخا وێ دا دژین، لێ کەساتیێن ئاینی و مەلا و ریھسپیێن ھەموو ئاینێن دناڤا کوردستانێ دا ب درێژیا دیروکێ ب ئێک ھزر و ئێک دەست و پێکڤە ژیاینە بێ جێوازییێ بکەن، پێکڤە ئاخا خوە پاراستیە و دسەنگەران دا خینا وان دناڤکدا تێکەلبوویە ژ بۆ بەرەڤانیکرن ژ ئاخا خوە، نموونە ژی د زوورن کو ژ ھەموو ئاینان شەھید ھەنە وەک ( ھورمز مەلک چکو ژ کرستیانان و مەحموود ئێزدی ژ کوردێن ئێزدی و کەس نینە خەبات و بەرخودانا وان ژ بۆ پارێزگاری کرن ژ ئاخا وەلاتی گوھلێنەبووی.
گەر سەحکەینە دیروکێ ل ناڤا کۆمەلگەھا کوردەواری دا ھەموو ئاینان و نەتەوەیان بێ جیوازی بەژداری خوشی و نەخوشی و جەژنێن ھەڤدو بووینە، ئەڤ پیکڤە ژیانە ل کوردستانێ ب درێژیا دیروکێ ھاتیە پاراستن و رولێ ھەری سەرەکی ژی ماموستایێن ئاینی و کەساتیێن ھەموو ئاینێن دی بووینە و کار بو پاراستنا پێکڤە ژیانێ کریە و خوە ژ توندوتیژیا ئاینی و فکری دایە پاش. 
د سالین بووری دا د رۆژھەلاتا ناڤەراست دا بەھارێن عەرەبی و شەرێن مەزن دەستپێکرینە پتریا وان ژی سەرەکانیا وان نە قەبولکرنا نەتەوەیێن جیواز بوو د ئێک وەلات دا، بەروڤاژی کوردستانێ د وان ھەموو ئالوزی و شەران دا، کوردستان ما وەلاتەک کو مۆلکێ ھەموو پێکھاتەیێن ئاینی بیت بێی جێوازی، ل دەمێ ھاتنا تیرورستێن داعشێ ژی کو ب ناڤێ خەلافەتا ئیسلامی ھات و دەست ب سەر دەڤەرێن موسلمانان و دیسان ئێزدیان و کرستیانان دا گرتی و کۆمکۆژی د دەرحەقا کێمنەتەوان دا کری، پێشمەرگەیێن کوردستانێ کو موسلمانەتی پشکا شیری ب بەرکەفتیە، لێ چونکی نە خوەدان ھزرا توندرەوا تیروری و دینی بوویە ب ھەمی ھێز ل ھەمبەر ڤێ خیلافەتا توندرەو راوەستیا و بەرەڤانی ژ ھەموو پێکھاتەیان بێی جێوازی کر. ئەڤە ژی وێ دگەھینیت کو ھزرا توندرەو تیروریزم ب چ رەنگان دناڤا کومەلگەھا مەدا نەبوویە و نابیت ژی.
گەر سەحکەینە کوردستانێ بوویە نموونەک دناڤا ھەموو وەلاتێن جیھانێ دا ژ بۆ پاراستنا پێکڤەژیانا ئاینی و نەتەوەیی ، بۆ پاراستنا ڤێ پێکڤەژیانێ ئێدی ئەرکێ گران کەفتیە سەر ملێن مامۆستایێن ئاینی بۆ ژناڤبرنا ھزرا توندرەویێ و سار بوونا پێکڤەژیانا نەتەوەیی ژ بەرکو ئەڤە کارەکێ ئەخلاقی و نەتەوەیی و دینیە ژ بۆ پاراستنا پیروزیێن ھەموو ئاین و نەتەوەیان دناڤا ئاخا پیروزا کرودستانێ دا .
 





ئەم هەواڵە 547جار خوێندراوەتەوە
 
 
ڤیدیۆ گەلەری
سەگێک کچێک لە خنکان رزگار دەکات
سەمایەکی کیکی بەکارەسات کۆتایی پێدێت
ببینە ھاندەرانی بەرازیل چۆن بەرد بارانی ھەڵبژاردەکەیان دەکەن
وانەی وەرزش لە ژاپۆن
به‌ ڤيديۆ.. جيهانى ئه‌مڕۆمان چى به‌سه‌ردا هاتووه‌
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad