English | عربی | Kurdî دواهەواڵ
ڕاستەوخۆ  
 
نێچیرڤان بارزانی وێستگەیەکی گەورەی کارەبای لە پارێزگای سلێمانی کردەوە
2018-07-29 [08:00 AM]

ZNA-هه‌ولێر


سەرۆکوەزیرانی ھەرێمی کوردستان، وێستگەیەکی گەورەی کارەبای لە پارێزگای سلێمانی کردەوە کە وێستگەیەکی ٤٠٠ کەی ڤی -یە و لۆد لەسەر کارەبای ھەرێمی کوردستان کەمدەکاتەوە.

نێچیرڤان بارزانی، سەرۆکوەزیرانی ھەرێمی کوردستان لە رێوڕەسمی کردنەوەی وێستگەکەدا رایگەیاند: "ئەم پڕۆژەیە لە بازیان سوودی بۆ ھەموو کوردستان دەبێت، بەڵام بە تایبەتی سوودی بۆ ئەم ناوچەیە دەبێت کە پڕۆژەی پیشەسازی زۆری لێیە".

نێچیرڤان بارزانی لەبارەی پڕۆژەکەوە رایگەیاند: "ئەم پرۆژەیە (وێستگەی ٤٠٠ کەی ڤی دابەشکردنی کارەبا) بەشێکە لە تۆڕێکی فراوانی ستراتیژی لە کەرتی کارەبا، کە حکومەت پێشتر پلانی بۆ داناوە، بەڵام بەھۆی شەڕی داعشەوە دواکەوت".

سەرۆکوەزیرانی ھەرێمی کوردستان رایگەیاند: "دەزانین لە کەرتی کارەبا، کێشەیەکی جیدی ھەیە، حکومەتی ھەرێمی کوردستان خەرجییەکی زۆری لە کەرتی کارەبا کردووە و، کەرتی تایبەتی ھانداوە وەبەرھێنان لەو کەرتەدا بکەن".

نێچیرڤان بارزانی گوتی: "لە بواری کارەبادا ھەڵنانی ھەنگاوی گەورە و بچووکمان پویستە و، ئەو پرۆژەیەش (وێستگەی ٤٠٠ کەی ڤی دابەشکردنی کارەبا) بەشێکە لەو ھەنگاوانە".

لەبارەی دانانی سیستەمی زیرەک بۆ کارەبای ھەرێمی کوردستان، نێچیرڤان بارزانی گوتی: "حکومەت سیستەمی پێوەری زیرەک جێبەجێ دەکات کە رۆڵێکی گەورەی دەبێت لە زیادبوونی کاژێرەکانی پێدانی کارەبا و رێگریی دەکات لە بەھەدەردانی کارەبا".

پڕۆژەکە لە بازیان کراوەتەوە، نێچیرڤان بارزانی لەبارەوە گوتی: "بازیان و خەڵکی ناوچەکە و دەوروبەری شایستەی کار و خزمەتی زیاترن و حکومەت لە خزمەتکردنیان بەردەوام دەبێت، بەیەک چاو ھەموو ناوچەکان دەبینێت و خزمەتگوزاری پێشکەش دەکات".





ئەم هەواڵە 4423جار خوێندراوەتەوە
 
 
ڤیدیۆ گەلەری
سەگێک کچێک لە خنکان رزگار دەکات
سەمایەکی کیکی بەکارەسات کۆتایی پێدێت
ببینە ھاندەرانی بەرازیل چۆن بەرد بارانی ھەڵبژاردەکەیان دەکەن
وانەی وەرزش لە ژاپۆن
به‌ ڤيديۆ.. جيهانى ئه‌مڕۆمان چى به‌سه‌ردا هاتووه‌
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad