English | عربی | Kurdî دواهەواڵ
ڕاستەوخۆ  
 
نێچیرڤان بارزانی و کۆسرەت رەسول کۆبوونەوە
2018-07-29 [02:22 AM]

ZNA - هه‌ولێر


نێچیرڤان بارزانی و کۆسرەت رەسول بە ئامادەبوونی ژمارەیەک ئەندامی مەکتەبی سیاسی هەردوولا لە سلێمانی کۆبوونەوە و باسیان لە هەڵبژاردنەكانی كوردستان و پێكهێنانی حكومەتی عێراق کرد.

نووسینگەی رۆژنامەڤانی جێگری سكرتێری گشتیی یەكێتی رایگەیاند: نیوەڕۆی ئەمڕۆ (29-7-2018) لە شاری سلێمانی، كۆسرەت رەسول عەلی، جێگری سکرتێری گشتیی یەكێتیی نیشتمانی كوردستان لەگەڵ نێچیرڤان بارزانی، سەرۆكوەزیرانی هەرێمی كوردستان و جێگری سەرۆکی پارتی و شاندی هاوڕێی کۆبووەتەوە.

بەپێی راگەیێندراوەکەی نووسینگەی جێگری سكرتێری گشتیی یەکێتی، لە كۆبوونەوەكەدا: گفتوگۆ لەبارەی بارودۆخی كوردستان و عێراق کراوە، گفتوگۆ و لێكتێگەیشتنی هاوبەش وەك چارەسەری سەرەكی بۆ بارودۆخەكە سەیركرا.

بەگوێرەی راگەیێندراوەکە، کۆسرەت رەسول دەستخۆشی لە سەرۆكی حكومەتی هەرێمی كوردستان كردووە بۆ كردنەوەی پڕۆژەی وێستگەی كارەبای 400 كەیڤی لە بازیان و هیوای خواستووە هەنگاوی باشتر بنرێت بۆ چارەسەركردنی كێشەی كارەبا و خزمەتگوزاری زیاتر پێشكەشی هاونیشتمانییان بكرێت.

هەڵبژاردنی پەرلەمانی كوردستان و پێكهێنانی حكومەتی نوێی عێراق، تەوەرەکانی دیکەی كۆبوونەوەكە بوون. بەپێی راگەیێندراوەکە هەردوولا بە گرنگیان زانیوە كە كورد وەك تیمێكی هاوبەش بچێتە بەغدا و لەكوردستانیش لایەنەكان بەوپەڕی دیموكراسییەوە بەشداری لە پڕۆسەكە بكەن.





ئەم هەواڵە 3274جار خوێندراوەتەوە
 
 
ڤیدیۆ گەلەری
سەگێک کچێک لە خنکان رزگار دەکات
سەمایەکی کیکی بەکارەسات کۆتایی پێدێت
ببینە ھاندەرانی بەرازیل چۆن بەرد بارانی ھەڵبژاردەکەیان دەکەن
وانەی وەرزش لە ژاپۆن
به‌ ڤيديۆ.. جيهانى ئه‌مڕۆمان چى به‌سه‌ردا هاتووه‌
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad