English | عربی | Kurdî دواهەواڵ
ڕاستەوخۆ  
 
بانکی ناوەندیی ئێران: بەرزبوونەوەی بەهای دراو دەستی دوژمنانی دەرەکیی تێدایە
2018-07-30 [05:59 AM]

ZNA-هه‌ولێر


بانکی ناوەندی ئێران دوایی پەرەسەندنی ناسەقامگیریی بازاری دراو و ئابووریی ئێران،  ڕاگەیەندراوێک بڵاوکردەوە، بەرزبوونەوەی بەھای دۆلار "ئەنقەست"ە و دەستی دوژمنانی دەرەکیی تێدایە.

ئەو ڕاگەیەندراوەی بانکی ناوەندیی ئێران لە کاتێک دایە کە لە ڕۆژانی ڕابردوودا پاش دەست لەکار کێشانەوەی سەرۆکی ئەو بانکە، سەرۆکێکی نوێی بۆ دەستنیشان کرا و دەزگای دادوەریی ئێرانیش دوێنێ ڕای گەیاندووە ٢٩ کەسیان دەستگیر کردووە کە تێکدەر و شێوێنەری ئابووری و بازار ناودێری کردوون.

لە ڕاگەیەندراوەکەی بانکی ناوەندیی  ئێراندا ھاتووە: "گۆڕانکارییەکانی ئەمدوای بازاری دراو و زێڕ کە بە ئەنقەست دەستی دوژمنانی تێدایە، ھەتا گرژی و ئاڵۆزیی ئابووری و ناسەقامگیریی دەروونی ساز بکرێت، بە وردی لەژێر چاوەدێرییان دایە".

دوێنێ یەکشەممە ٢٠١٨/٧/٢٩ بەھای یەک دۆلاری ئەمریکی لە بازارە نافەرمییەکانی ئێران سنووری ١٠ ھەزار تمەنی تێپەڕاند و ھاوکات سکەی زێڕیش گەیشتە زیاتر لە چوار ملیۆن، بەرزبوونەوەی لەناکاوی دراو و زێڕ لە بازاری ئێران لە ڕۆژێکدا ڕووی دا، کە عەبدولناسر ھێمەتی، وەک سەرۆکی نوێی بانکی ناوەندیی ئێران دەستی بەکارەکانی خۆی کرد.


بەڕای ئابووریناسان ئاڵۆزی بازاری دراو و ئابووریی ئێرانی گرتووەتەوە و بەرزبوونەوەی نرخی کاڵا و شتومەک و پێداویستیی ڕۆژانەی خەڵک، بووەتە قەیرانێکی قووڵ لەو وڵاتە و کۆنترۆڵی بازار لە دەستی حکوومەتدا نەماوە.


لە ڕاگەیەندراوەکەی  بانکی ناوەندیدا ھاتووە: "بەرنامەی پێویست و نوێی لە کارنامەی سەرۆکی نوێی ئەو دەزگایەدا ھەیە و لە داھاتوویەکی نزیکدا دەست بەکار دەبن و وردەکارییەکانی دەخەنە ڕوو".





ئەم هەواڵە 1624جار خوێندراوەتەوە
 
 
ڤیدیۆ گەلەری
سەگێک کچێک لە خنکان رزگار دەکات
سەمایەکی کیکی بەکارەسات کۆتایی پێدێت
ببینە ھاندەرانی بەرازیل چۆن بەرد بارانی ھەڵبژاردەکەیان دەکەن
وانەی وەرزش لە ژاپۆن
به‌ ڤيديۆ.. جيهانى ئه‌مڕۆمان چى به‌سه‌ردا هاتووه‌
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad