English | عربی | Kurdî دواهەواڵ
ڕاستەوخۆ  
 
ئێران داوادەکات ھادی عامری بکرێتە سەرۆک وەزیران
2018-07-30 [07:28 AM]

ZNA- ھەولێر


به‌گوێره‌ی راپۆرتێكی رۆژنامه‌ی عوكازی سعوودی كه‌ له‌ ژماره‌ی ئه‌مڕۆدا بڵاوكراوه‌ته‌‌وه‌، ئیره‌ج مه‌سجدی باڵیۆزی ئێران له‌ به‌غدا، داوای له‌ نووری مالیكی سه‌رۆكی هاوپه‌یمانێتی ده‌وڵه‌تی یاسا كردووه‌ هه‌وڵه‌كانی چڕبكاته‌وه‌ بۆ ئه‌وه‌ی، هادی عامری،  سه‌ركرده‌ی حه‌شدی شه‌عبی و ئه‌مینداری گشتی رێكخراوی به‌در بكرێته‌ كاندیدی پۆستی سه‌رۆكوه‌زیرانی عێراق. له‌ به‌رامبه‌ریشدا نووری مالیكی پۆستی وه‌زاره‌ته‌كانی ده‌ره‌وه‌و ناوخۆی حكوومه‌تی داهاتووی بدرێتێ.

رۆژنامه‌كه‌ له‌ زاری سه‌رچاوه‌یه‌كی تایبه‌تی خۆیه‌وه‌ نوسیوویه‌تی: "مه‌سجدی به‌ نووری مالیكی گوتووه‌، عه‌لی سیستانی گڵۆپی سه‌وزی هه‌ڵكردووه‌ بۆ ئه‌وه‌ی هادی عامری ببێته‌ سه‌رۆكوه‌زیرانی داهاتووی عێراق".

به‌گوێره‌ی سه‌رچاوه‌ی رۆژنامه‌ سعوودییه‌كه‌، مه‌سجدی چه‌ندین كه‌سایه‌تی دیكه‌یشی بۆ سه‌رۆكایه‌تی كۆمار و په‌رله‌مان له‌ كورد و سوننه‌ و كاندیدی دیكه‌یشی بۆ پێگه‌ گرنگه‌كانی دیكه‌ خستووه‌ته‌ڕوو.

رۆژی هه‌یینی رابردوو مه‌رجه‌عییه‌تی باڵای شیعه‌ له‌ نه‌جه‌ف كه‌ ئایه‌توڵڵا عه‌لی سیستانی نوێنه‌رایه‌تییان ده‌كات داوای له‌ كوتله‌ سیاسییه‌كان كرد په‌له‌ له‌ پێكهێنانی حكوومه‌تی نوێدا بكه‌ن.

هادی عامری سه‌رۆكی هاوپه‌یمانێتی فه‌تحه‌ كه‌ زۆرینه‌ی گرووپه‌كانی حه‌شدی شه‌عبی له‌ خۆگرتووه‌، له‌ هه‌ڵبژاردنه‌كه‌ی رۆژی 12/5/2018 توانییان 47 كورسی به‌ده‌ستبهێنن و كه‌سێكه‌ له‌ ئێرانه‌وه‌ نزیكه‌.





ئەم هەواڵە 5977جار خوێندراوەتەوە
 
 
ڤیدیۆ گەلەری
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
ڤیدیۆیی .. ساتی کوشتنی تارا فارس
ھەڵۆیەک ھەوڵی رفاندنی منداڵێک دەدات
چەند دیمەنێکی سامناکی زریان و گەردەلوولەکەی ئەمریکا
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad