English | عربی | Kurdî دواهەواڵ
ڕاستەوخۆ  
 
بەھۆی تەقینەوەێک ١٩ کەس بوونە قوربانی
2018-07-31 [08:25 AM]

ZNA- ھەولێر


به‌پێى هه‌واڵێكى ڕۆیته‌رز ئه‌مڕۆ سێ شه‌ممه‌ 31ى ته‌مموزى 2018، له‌ خاڵیكه‌ پشكنیندا له‌ باشوورى وڵاتى فلیپین ته‌قینه‌وه‌یەك له‌ نێو ئۆتۆمبێلێكى جۆرى ڤان 19 كه‌سى كرده‌ قوربانى و به‌رپرسانى حكومه‌تى فلیپین هێرشه‌كیان خسته‌ ئه‌ستۆى گرووپه‌ چه‌كداره‌ ئیسلامیه‌كان.

به‌رپرسانى حكومه‌تى فلیپین ڕایانگه‌یاند: ئۆتۆمبێلێكى ڤان له‌ خاڵێكى پشكنینى سه‌ربازى كه‌ ته‌نها شوفێره‌كه‌ى تێدابوو له‌ كاتى وه‌ستاندن و پرسینه‌وه‌ له‌ شوفێرى ئۆتۆمبێله‌كه‌ بۆمبێك له‌ نێو ئۆتۆمبێله‌كه‌ ته‌قیوه‌ته‌وه‌ و 19 كه‌سى كردووته‌ قووربانى، سه‌ربازێك و پێنج نیمچه‌ سه‌ربازى و چوار سڤیل و منداڵێك و دایكێك كوژراون و حه‌وت كه‌سی دیكه‌ش بریندار بوون، ته‌قینه‌وه‌كه‌ له‌ دوورگه‌ى باسیلان كه‌ ده‌كه‌وێته‌ باشوورى وڵاتى فلیپین.

جێى ئاماژه‌یه‌ دوورگه‌ى باسیلان په‌ناگه‌یه‌كه‌ بۆ گرووپى ئه‌بو سیاف كه‌ گروپێكى ئیسلامى چه‌كدارییه‌ به‌ كارى رفاندن و جه‌رده‌یی و ناوبانگى خراپیان هه‌یه‌، پێشتر موڵگه‌یه‌ك بوو بۆ ئه‌میرى پێشووى ده‌وڵه‌تى ئیسلامى له‌ باشووى رۆژهه‌ڵاتى ئاسیا كه‌ سوپاى فلیپین توانیان ساڵى 2017 بیكوژن دواى زیاتر له‌ 15 ساڵ له‌ راوه‌دوونانى.

هاوكات وته‌بێژى سه‌ربازى كۆلونیل ئه‌دگارد ئارێیڤۆ ڕایگه‌یاند: هێزى ئاسایش لیكۆڵینه‌وه‌یان كردووه‌ و تا ئێستا هیچ بنه‌مایه‌ك نییه‌ كه‌ ئه‌م كاره‌ ته‌قینه‌وه‌یه‌ خۆكوژى بووبێت یان له‌ لایه‌ن كه‌سێكى بیانی ئه‌نجام درابێت.





ئەم هەواڵە 1171جار خوێندراوەتەوە
 
 
ڤیدیۆ گەلەری
سەگێک کچێک لە خنکان رزگار دەکات
سەمایەکی کیکی بەکارەسات کۆتایی پێدێت
ببینە ھاندەرانی بەرازیل چۆن بەرد بارانی ھەڵبژاردەکەیان دەکەن
وانەی وەرزش لە ژاپۆن
به‌ ڤيديۆ.. جيهانى ئه‌مڕۆمان چى به‌سه‌ردا هاتووه‌
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad