English | عربی | Kurdî دواهەواڵ
ڕاستەوخۆ  
 
دەیان راوێژكار لەپەرلەمان خانەنشین كراون ساڵێك دەوامیان نەكردوە
2018-08-01 [06:08 AM]

ZNA – هەولێر


لیژنەیەكی پەرلەمان ئاشكرای دەكات بە بێ هەبوونی بڕوانامە  و بە چەند مانگێك دەوام چەندین راوێژكار لە پەرلەمانی كوردستان بە پارەی قەبە خانەنشین كراون.

بە پێی  بەڵگەنامەیەك ، لە پەرلەمانی كوردستان لە ماوەی 3 ساڵدا لە ساڵی 2012 بۆ ساڵی 2015  نزیكەی 45 كەس بە پلەی راوێژكار كە پلەی تایبەتن خانەنشین كراون.

بەشێك لەو راوێژكارانە كە ژمارەیەیان  8 كەسە پاش مانگێك ، یان 5 مانگ،یان 6 مانگ  خزمەتكردن لە پلەی  راوێژكاری  خانەنشین كراون، هەندێكی تریش بە خزمەتی كەمتر لە ساڵێك خانەنشین كراون.

مەدینە ئەیوب شرناخی، بڕیاردەری لیژنەی كاروباری پەرلەمانی كوردستان بۆ باس رایگەیاند: چەندین كەس بە بێ رەچاوكردنی بڕوانامە و شارەزایی بە راوێژكار لە پەرلەمان خانەنشین كراون، لە نێو ئەو راوێژكارانە هەیە لە دایكبووی ساڵی 1932 بەڵام دوای مانگێك  خانەنشین بووە، لە كاتێكدا ئەو كەسە بە تەمەنە خزمەتی وەزیفیشی نەبووە و بڕوانەمەیەكی شایستەشی نەبووە.

ئەو ئاماژەی بەوەشدا بەشێك لەوانەی بە پلەی  راوێژكار خانەنشین كراون تەمەنیان كەمە و خزمەتیان نیە،  لە نێو راوێژكارانی خانەنشین كراو لە دایكبووی ساڵی 1982 هەیە كە بە هیچ جۆرێك خزمەتی وەزیفی نەبووە، بەڵام بە راوێژكار خانەنشین كراوە.

شرناخی گوتیشی: هەر دەستەیەكی سەرۆكایەتی هاتۆتە سەركار كۆمەڵێك كەسیان بە راوێژكار دامەزراندووە، پاشانیش خانەنشینیان كردوون

روونیشی كردەوە:  لە ساڵی 2012  لە نێو پەرلەمانی كوردستان 32 كەس بە ناوی راوێژكار دامەزرێندراون، گوتیشی: لەسەردەمی یوسف محەمەد 14 كەس بە پلەی راوێژكار دامەزرێندراون، 2 كەسیان لەوانە خانەشین كراون كە بە نایاسایی خانەنشین كراون و خزمەت و بروانامەی شایستەیان نەبووە.

بڕیاردەری لیژنەی كاروباری پەرلەمان ،جەختی كردەوە" 4 كەس  لە نێو پەرلەمان  پلەی تایبەتیان هەیە كە بریكاری وەزیرن،بەڵام  بڕوانامەیان نیە"

لە درێژەی قسەكانیدا گوتیشی: بەشێكی زۆری ئەوانەی بە راوێژكار خانەنشین كراون، بڕوانامەكانیان لەو جۆرە نیە تاوەكو راوێژكاربن، بەلای كەمی دەبێت بڕوانامەی دكتۆرایان هەبێت، چونكە پەرلەمانی كوردستان شوێنی یاسادانانە، مەعقول نیە كەسێك بروانامەی نەبێت و یاسات بۆ دانێت،لە كاتێكدا بەشی زۆریان نازانن دوو وشە بنوسن .

كەمترین مووچەی  راوێژكار لە پەرلەمان 4 ملیۆن و 492 هەزار دینارە و زۆرترینی 7 ملیۆن و 490 هەزار دینارە بە بێ پاشەكەوت.

 





ئەم هەواڵە 2695جار خوێندراوەتەوە
 
 
ڤیدیۆ گەلەری
سەگێک کچێک لە خنکان رزگار دەکات
سەمایەکی کیکی بەکارەسات کۆتایی پێدێت
ببینە ھاندەرانی بەرازیل چۆن بەرد بارانی ھەڵبژاردەکەیان دەکەن
وانەی وەرزش لە ژاپۆن
به‌ ڤيديۆ.. جيهانى ئه‌مڕۆمان چى به‌سه‌ردا هاتووه‌
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad