English | عربی | Kurdî دواهەواڵ
ڕاستەوخۆ  
 
نێچیرڤان بارزانی و شاندێكی سه‌ربازیی ئه‌مه‌ریكی كۆبوونه‌وه‌
2018-08-01 [01:58 AM]

ZNA - هه‌ولێر


 

نیوه‌ڕۆی ئه‌مڕۆ چوارشه‌ممه‌ 1/8/2018 به‌ڕێز نێچیرڤان بارزانی سه‌رۆك وه‌زیرانی هه‌رێمی كوردستان، پێشوازی له‌ به‌ڕێزان مێجه‌ر جه‌نه‌ڕال شون جێنكینس، به‌رپرسی نووسینگه‌ی هه‌ماهه‌نگیی ئاسایشی ئه‌مه‌ریكا له‌ عێراق، ستیڤ ڤاگن كونسولی گشتیی ئه‌مه‌ریكا له‌ هه‌رێمی كوردستان و شاندێكی یاوه‌ریان كرد.

 

له‌ دیدارێكدا شاندی میوان سوپاسی حكوومه‌تی هه‌رێمی كوردستان، به‌تایبه‌تی وه‌زاره‌تی پێشمه‌رگه‌یان‌ كرد بۆ ئه‌و هاوكارییه‌ی كه‌ پێشكه‌شیان كردوون و ئۆپه‌راسیۆنی ئه‌م دواییه‌ی‌ پێشمه‌رگه‌یان‌ بۆ له‌ناوبردنی مه‌ترسیی تیرۆر به‌رز نرخاند، هه‌روه‌ها به ‌پێویستیان زانی به‌رامبه‌ر به‌ مه‌ترسیی سه‌رهه‌ڵدانه‌وه‌ی داعش، هه‌ماهه‌نگی و هاوكاری له‌نێوان پێشمه‌رگه‌ و سوپای عێراقدا به‌ پاڵپشتیی هاوپه‌یمانان هه‌بێت، ئاماده‌ییی خۆشیان بۆ به‌رده‌وامیی هاوكارییه‌كانیان له‌باره‌ی چاكسازی له‌ وه‌زاره‌تی پێشمه‌رگه‌،‌ نیشان دا.

 

لای خۆیه‌وه‌ به‌ڕێز سه‌رۆك وه‌زیرانی هه‌رێمی كوردستان سوپاسی هاوكارییه‌ سه‌ربازییه‌كانی هاوپه‌یمانان و ئه‌مه‌ریكای بۆ هه‌رێمی كوردستان و پێشمه‌رگه‌ كرد و هیوای به‌رده‌وامیی ئه‌و هاوكاریانه‌ی خواست به‌تایبه‌تی له‌ بواری چاكسازی و ڕێكخستنه‌وه‌ی وه‌زاره‌تی پێشمه‌رگه‌دا كه‌ ده‌بێته‌ هۆكار بۆ كاریگه‌رتربوونى هێزى پێشمه‌رگه‌. دووپاتیشی كرده‌وه‌ كه‌ هاوكاری و هه‌ماهه‌نگیی نێوان پێشمه‌رگه‌ و سوپای عێراق به‌ پاڵپشتی هاوپه‌یمانان، ڕێگه‌ له‌ سه‌رهه‌ڵدانه‌وه‌ی هه‌ر جۆره‌ مه‌ترسییه‌كی توندوتیژی‌ له‌ ناوچه‌كه‌دا، ده‌گرێت.

 

تاوتوێكردنی دۆخی ناوچه‌كه‌ و چه‌ند بابه‌تێكی په‌یوه‌ندیدار‌ به‌ ڕه‌وشی سیاسی و ئه‌منیی عێراقه‌وه‌، لایه‌نێكی دیكه‌ی دیداره‌كه‌ بوو.





ئەم هەواڵە 2269جار خوێندراوەتەوە
 
 
ڤیدیۆ گەلەری
سەگێک کچێک لە خنکان رزگار دەکات
سەمایەکی کیکی بەکارەسات کۆتایی پێدێت
ببینە ھاندەرانی بەرازیل چۆن بەرد بارانی ھەڵبژاردەکەیان دەکەن
وانەی وەرزش لە ژاپۆن
به‌ ڤيديۆ.. جيهانى ئه‌مڕۆمان چى به‌سه‌ردا هاتووه‌
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad