English | عربی | Kurdî دواهەواڵ
ڕاستەوخۆ  
 
داوا دەکرێت حەشدی شەعبی لەم پارێزگایه‌دا دەربکات
2018-08-02 [11:05 AM]

ZNA - هه‌ولێر


ئەنجوومەنی پارێزگای سەلاحەدین داوا لە سه‌رۆكوه‌زیران دەکات، سەرجەم گرووپەکانی حەشدی شەعبی لە پارێزگاکەدا دەربکات و پارێزگاریش دەڵێت، لەگەڵ سەرۆکی دەستەی حەشدی شەعبی رێککەوتوون ژمارەیەک لە هێزەکانیان لە پارێزگاکە بچنەدەرەوە.

ئەحمەد عەبدولکەریم، سەرۆکی ئەنجوومەنی پارێزگای سەلاحەدین لە بەیاننامەیەکدا رایگەیاند: بە مەبەستی پاراستنی ئاشتی گشتی  پارێزگای سه‌لاحه‌دین داوا لە حەیدەر عەبادی، سەرۆکوەزیران و فەرماندەی گشتیی هێزە چەکدارەکانی عێراق دەکات، سەرجەم هێزە چەکدارەکان لە پارێزگاکە دەربکات ، دۆخی پارێزگا ناجێگیرە و چەک لە دەرەوەی چوارچێوەی دەوڵەت بڵاوبووەتەوە.

ئەحمەد عەبدولکەریم ئاماژەی بەوەشکردووە، بوونی هێزی چەکدار لەنێو شاردا قەیرانی یەک لەدوای یەک بەدوای خۆیدا دەهێنێت، تێپەڕاندنی سەختە و بۆ دوورکەوتنەوە لە خراپبوونی رەوشی ئەمنی، پێویستە بەتەواوی  لە پارێزگای سەلاحەدین چەک تەنیا لە دەست دەوڵەت بێت.

سەرۆکی ئەنجوومەنی پارێزگای سەلاحەدین دەڵێت: قەزای دجێل پێویستی بەوەیە دەوڵەت تێیدایە بەهێزبێت و ئاسایشی بپارێزێت، نەک گرووپە چەکدارەکان، کە کار بۆ ئەجێندای کەسی دەکەن".

ئەحمەد جبووری، پارێزگاری سەلاحەدین رایگەیاند: بە مەبەستی چارەسەرکردنی گرژییەکانی قەزای دجێل، لەگەڵ فالح فەییاز سەرۆکی دەستەی حەشدی شەعبی کۆبووەتەوە و، رێککەوتوون کە  ژمارەیەک لە هێزەکانی حەشدی شەعبی بچنە دەرەوەی پارێزگاکە.

ئەحمەد جبووری جەختدەکاتەوە، ئێستا هێزە ئەمنییەکان لە قەزاکە بڵاوبوونەتەوە و دۆخەکەیان کۆنترۆڵکردووە.

دوای دۆزینەوەی تەرمی سێ شێخ، شەوی رابردوو دۆخی قەزای دجێل لە سەلاحەدین گرژی و ئاڵۆزی بەخۆیەوەبینی، پێكدادانی چەکداری لە نێوان هۆزەکانی قەزای دجێل و گروپە چەکدارەکان روویدا، کە دەگوترێت سەر بە هێزەکانی حەشدی شەعبین ، بەهۆیەوە هاتووچۆ لەو قەزایە قەدەخەکرا و بۆ ماوەیەکیش رێگەی بەغدا- تکریت داخرا.





ئەم هەواڵە 6013جار خوێندراوەتەوە
 
 
ڤیدیۆ گەلەری
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
ڤیدیۆیی .. ساتی کوشتنی تارا فارس
ھەڵۆیەک ھەوڵی رفاندنی منداڵێک دەدات
چەند دیمەنێکی سامناکی زریان و گەردەلوولەکەی ئەمریکا
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad