English | عربی | Kurdî دواهەواڵ
ڕاستەوخۆ  
 
سلێمانی... دووبارە لیژنەی سەلامەتی کرێکار دروست ده‌كرێته‌وه‌
2018-08-02 [01:10 AM]

ZNA - هه‌ولێر


 

لە سلێمانی پێداچونەوە بە پێدان و نوێکردنەوەی "مۆڵەتی پیشەیی" دەکرێت و قائیمقامی سلێمانیش دەڵێت ھەموو کارئاسانییەک بۆ کاسبکاران و پیشەوەران دەکەن .

ئه‌مڕۆ پێنجشەممە ئاوات محەممەد قائیمقامی سلێمانی لەگەڵ سەرۆک و ئەندامانی لقی سلێمانی سەندیکای کرێکاران و پیشەوەرانی کوردستاندا کۆبووەوە و چۆنیەتی پێدان و نوێکردنەوەی مۆڵەتی پیشەیی بە کاسبکاران و پیشەوەران و گرفت و کێشەکان تاوتوێکرا .

ئاوات محه‌ممەد قائیمقامی سلێمانی رایگەیاند، پێداچونەوە بە رێنماییەکان دەکەن و  ئەوەی پێویست بێت لە بەرژەوەندی کرێکاران و پیشەوەران ھەنگاوی بۆ دەنێن، بۆ پاراستنی گیانی کرێکاران و داکۆکیکردن لە ماف و داواکارییەکانیان، وتیشی، لیژنەی سەلامەتی کرێکار لە شوێنی کار کە پێشتر یەکێک بووە لە لیژنەھاوبەشەکانی قائیمقامیەتی سلێمانی دووبارە دروستی دەکەنەوە و نوێنەری سەندیکای کرێکاران و ھەموو فەرمانگە پەویوەندیدارەکانی تێدا بەشدار دەبێت, لەرێگەی بەدواداچون و کارەکانی لیژنەکەوە کاردەکرێت بۆ چارەسەرکردنی کێشەو گرفتەکانی تایبەت بە چینی کرێکاران و داکۆکی کردن لە مافەکانیان و پاراستنی سەلامەتی گیانیان.

لەبەشێکی تری کۆبوونەوەکەدا چالاک رەئووف سەرۆکی لقی سلێمانی سەندیکای کرێکاران و پیشەوەرانی کوردستان، رایگه‌یاند، بینای کۆنی بەڕێوەبەرایەتی تەندروستی سلێمانی کە موڵکی سەندیکاکەیانە و ئێستا لەرێگەی گرێبەستێکەوە کراوە بە نەخۆشخانەیەکی ئەھلی لە ئایندەیەکی نزیکدا دەکرێتەوە و لە "٢٠%" داشکاندن بۆ ئەندامانی سەندیکاکەیان دەکات و ھەموو پسپۆڕییەکان لەخۆدەگرێت لەگەڵ ئەوەشدا بەنرخێکی گونجاو ھەموو ھاوڵاتیەک دەتوانێت سەردانی بکات.

 

          





ئەم هەواڵە 3877جار خوێندراوەتەوە
 
 
ڤیدیۆ گەلەری
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
ڤیدیۆیی .. ساتی کوشتنی تارا فارس
ھەڵۆیەک ھەوڵی رفاندنی منداڵێک دەدات
چەند دیمەنێکی سامناکی زریان و گەردەلوولەکەی ئەمریکا
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad