English | عربی | Kurdî دواهەواڵ
ڕاستەوخۆ  
 
ته‌قه‌ له‌ باره‌گایه‌كی پارتی كرا
2018-08-04 [07:48 AM]

ZNA-هەولێر


بەرەبەیانی ئەمڕۆ چوار شەممە تەقە لە بارەگای لیژنەی ناوچەی ڕۆژھەڵاتی سەر بە لقی چواری پارتی دیموکراتی کوردستان کرا و به‌رپرسێكی پارتیش له‌ شاره‌كه‌ رایده‌گه‌ێنێت "كه‌ زیانی گیانی نه‌بووه‌".

له‌و باره‌وه‌، (دانا شەھید جەزا) ئەندامی ئەنجومەنی پارێزگای سلێمانی، رایگه‌یاندوه‌،"به‌ره‌به‌یانی ئه‌مڕۆ شه‌ممه‌ 4ـی8ـی2018، له‌ كاتژمێر 1ـی شه‌ودا، لەنێو ئۆتۆمبێلێکەوە تەقە لە بارەگای لیژنەی ناوچەی ڕۆژھەڵاتی سەر بە لقی 4ـی پارتی دیموکراتی کوردستان کراوە و ژمارەیەک فیشەک بەر دەرگا و پەنجەرە و دیوارەکانی بیناکە کەوتووە، بەڵام ھیچ زیانێکی گیانیی بەدواوە نەبووە".

به‌رپرسه‌كه‌ی پارتی ئه‌وه‌شی ئاشكرا كردووه‌." كه‌ دوای ماوەیەک ئۆتۆمبێلەکە گەڕاوەتەوە و جارێکیتر تەقەی کردووە بەسەر بارەگاکەدا و لەلایەن پێشمەرگەکانی بارەگاکەشەوە تەقە کراوە بەسەر ئۆتۆمبێلەکەدا بۆ ئه‌وه‌ی هیچ نه‌بێت هیچ زیان و زه‌ره‌رێك نه‌بێت و ئۆتۆمبێله‌كه‌ هه‌ڵهاتووه‌.

هه‌ر له‌و باره‌وه‌، ناوبراو ئه‌وه‌شی ئاشكرا كردوه‌.” كه‌ دوای ڕووداوەکە، تیمەکانی بەڵگەی تاوان و ئاسایش گەیشتوونەتە بارەگاکە و داوای کامێراکانی چاودێرییان کردووە بۆ لێکۆڵینەوە و بەدواداچوون لە ڕووداوەکە.

ئه‌وه‌ی شیاوی باسه‌ " لە شاری سلێمانی، بە شێوەیەکی بەردەوام بارەگاکانی پارتی دەکرێنە ئامانج و ساڵانە چەندان جار تەقەیان لێ دەکرێ و هێزە ئەمنییەکانی سلێمانیش تائێستا کۆتاییان بەم هێرشانە بۆ سەر بارەگاکانی پارتی نەهێناوە"





ئەم هەواڵە 3397جار خوێندراوەتەوە
 
 
ڤیدیۆ گەلەری
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
ڤیدیۆیی .. ساتی کوشتنی تارا فارس
ھەڵۆیەک ھەوڵی رفاندنی منداڵێک دەدات
چەند دیمەنێکی سامناکی زریان و گەردەلوولەکەی ئەمریکا
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad