English | عربی | Kurdî دواهەواڵ
ڕاستەوخۆ  
 
رێژەی پەنابەرانی عێراق بەرز دەبێتەوە
2018-08-04 [08:05 AM]

ZNA- ھەولێر


وه‌زاره‌تی ده‌ره‌وه‌ی ئه‌ڵمانیا ئاشكرای ده‌كات، ژماره‌ی ئه‌و كه‌سانه‌ی داوای مافی په‌نابه‌رێتییان له‌و وڵاته‌ كردووه‌، مانگی ته‌مووز به‌راوورد به‌ مانگی حوزه‌یران زیادیكردووه‌.

وه‌زاره‌تی ده‌ره‌وه‌ له‌ به‌یاننامه‌یه‌كدا رایگه‌یاند: "له‌ مانگی ته‌مووزدا 15 هه‌زار و 199 كه‌س داوای مافی په‌نابه‌رێتیان پێشكه‌شی دامه‌زراوه‌ی كۆچ و په‌نابه‌ریی فیدراڵی كردووه‌، به‌راوورد به‌ مانگێك پێشتر 14.7% زیادیان كردووه، چونكه‌ له‌ مانگی حوزه‌یراندا 13 هه‌زار و 354 كه‌س و له‌ مانگی ئایاردا 12 هه‌زار و 494 كه‌س داواكارییان پێشكه‌ش كردبوو".

‌له‌ به‌یاننامه‌كه‌ی وه‌زاره‌تی ده‌ره‌وه‌ی ئه‌ڵمانیادا ئاماژه‌ به‌وه‌شكراوه‌ كه‌ سوورییه‌كان به‌ پله‌ی یه‌كه‌م داوای مافی په‌نابه‌رێتی ده‌كه‌ن و مانگی ته‌مووزیش هه‌ر ئه‌وان زۆرینه‌ بوون و ژماره‌یان گه‌یشتووه‌ته‌ 3 هه‌زار و 786 كه‌س، پاش ئه‌وان عێراقییه‌كان دێن و له‌و مانگه‌دا هه‌زار و 415 عێراقی داوای مافی په‌نابه‌رێتییان له‌و وڵاته‌ كردووه‌.

ئه‌وه‌ له‌ كاتێكدایه‌ له‌ دوایین كۆبوونه‌وه‌ی سه‌رانی ئه‌وروپادا گه‌یشته‌ ئه‌و بڕیاره‌ی به‌ ریوشوێنه‌كانی وه‌رگرتنی پێدانی مافی په‌نابه‌رێتیدا بچنه‌وه‌و توندی بكه‌ن.





ئەم هەواڵە 5242جار خوێندراوەتەوە
 
 
ڤیدیۆ گەلەری
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
ڤیدیۆیی .. ساتی کوشتنی تارا فارس
ھەڵۆیەک ھەوڵی رفاندنی منداڵێک دەدات
چەند دیمەنێکی سامناکی زریان و گەردەلوولەکەی ئەمریکا
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad