English | عربی | Kurdî دواهەواڵ
ڕاستەوخۆ  
 
ئەمریکا : ئەگەر ھەیە گروپێکی تیرۆرستی ھاوشێوەی داعش لە عێراق دروست ببێتەوە
2018-08-04 [08:10 AM]

ZNA- ھەولێر


وەزارەتی دەرەوەی ئەمەریکا هۆشداری لە دروستبوونی گروپێکی نوێی تیرۆرستی هاوشێوەی داعش دەدات لە عێراق ئەگەر بێت و چاکسازی نەکرێت.

بەگوێرەی هەواڵێکی سایتی سپۆتنیک، دۆگلاس پادگێت، راوێژکاری باڵای وەزارەتی دەرەوەی ئەمەریکا، لە سیمینارێکی پەیمانگای هودسۆن لە واشنتن رایگەیاندووە: "ئێمە بە دڵنیایی لە رووی سەربازییەوە دەوڵەتی ئیسلامیمان تێکشکاندووە، بەڵام بارودۆخی سیاسی و کۆمەڵایەتی، کەمی ئاشتەوایی و هەستنەکردن بە بەرپرسیارەتی کێشەی گرنگن".

راوێژکارەکە دەشڵێت: "لێپێچینەوە لە تاوان (دادگایی تیرۆرستان) بە تەنها گرەنتی پێکەوە ژیان لە عێراق ناکات. داعش لەوانەیە ئێستا نەمابێت، بەڵام شتێکی وەک داعش ئەگەر هەیە بگەڕێتەوە".

دەنگی ناڕازییەکانی عێراق رۆژ دوای رۆژ زیاد دەکات و پشێوی دەکەوێتە نێو شارەکان، ئەمەش هەل بۆ گروپێی نوێی تیرۆرستی دەڕەخسێنێت تا خەڵکی بەلاڕێدا بەرن.

سیاسییەکانیش جیا لەوەی نەیانتوانیووە ئەوانەی بوونە هۆی هێنانی داعش و کوشتنی هەزاران کەس دادگایی بکەن و رووبەڕووی سزای بکەنەوە، بە جەنگی تائیفی و مەزهەبی زیاتر عێراقیان دابەشکردووە.





ئەم هەواڵە 8059جار خوێندراوەتەوە
 
 
ڤیدیۆ گەلەری
فرۆکەوانێک بەم شێوەیە رێز لە مامۆستاکەی دەگرێت
کچێک بە موعجیزە رزگاری دەبێت
لە عێراق بەم شێوەیە ئاوی باران لادەدەن ، بە دڵنیایی دوو جار سەیری دەکەیەوە
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad