English | عربی | Kurdî دواهەواڵ
ڕاستەوخۆ  
 
كۆمكاری عەرەبی، لێكۆڵینەوە لە پێشێلكارییەكانی حەشدی شه‌عبی دەكات
2018-08-05 [08:32 AM]

ZNA-هه‌ولێر


گوتەبێژی ھۆزە عەرەبەکان گوتی، راپۆرتێکیان لەبارەی پێشێلکارییەکانی حەشدی شەعبی لە ناوچە کوردستانییەکان رادەستی کۆمکاری عەرەبی کردووە و، ئەوانیش لیژنەیەکی لێکۆڵینەوەیان پێک ھێناوە و لە چەند رۆژی داھاتوودا لیژنەکە دەست بە لێکۆڵینەوە دەکات.

حەشدی شەعبی لە دوای ئازادکردنی ناوچە کوردستانییەکان و ١٦ی ئۆکتۆبەر، بەردەوام پێشێکاری دژی خەڵکی ئەو ناوچانە ئەنجام دەدەن و خەڵکی ئەو ناوچانەشزۆر بێزارن لەو ھێزانە و داوا دەکەن دەربکرێن، لە چەند رۆژی ڕابردوویشدا چەند شێخێکی عەشیرەتی خەزرەجیان تیرۆر کرد.

مزاحم ئەلحویت، گوتەبێژی ھۆزە، ڕایگەیاند: "راپۆرتێکیان لەبارەی پێشێلکارییەکانی حەشدی شەعبی لە ناوچە کوردستانییەکانی دەرەوەی ئیدارەی ھەرێمی کوردستان رادەستی ئەمینداری گشتیی کۆمکاری عەرەبی (ئەحمەد ئەبو غەیت) کردووە، کە سەرجەم پێشێلکارییەکان لە خۆ دەگرێت وەک کوشتن و ئەشکەنجەدان و دەستدرێژیکردنەسەر ئافرەتان  و دەستگیرکردن و ئازادکردنی خەڵک بە پارە".

ئەلحویت گوتیشی: "دوای رادەستکردنی راپۆرتەکە، داوامان کرد لیژنەیەکی لێکۆڵینەوە دروست بکرێت لەو پێشێلکاریانە و ئەوانیش راستەوخۆ بڕیاری دروستکردنی لیژنەیەکیان داوە، بۆیە لە چەند رۆژی داھاتوودا ئەو لیژنەیە دەگاتە ھەرێمی کوردستان بۆ ئەوەی دەست بە لێکۆڵینەوە بکات لەو ناوچانە و راستییەکان ڕوون ببنەوە".

گوتەبێژی ھۆزە عەرەبەکان، ھەروەھا دەشڵێ: "داوامان کردووە سەرجەم ھێزەکانی حەشدی شەعبی لە ناوچە کوردستانییەکان بکشێنەوە".

KDP.info





ئەم هەواڵە 1651جار خوێندراوەتەوە
 
 
ڤیدیۆ گەلەری
سەگێک کچێک لە خنکان رزگار دەکات
سەمایەکی کیکی بەکارەسات کۆتایی پێدێت
ببینە ھاندەرانی بەرازیل چۆن بەرد بارانی ھەڵبژاردەکەیان دەکەن
وانەی وەرزش لە ژاپۆن
به‌ ڤيديۆ.. جيهانى ئه‌مڕۆمان چى به‌سه‌ردا هاتووه‌
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad