English | عربی | Kurdî دواهەواڵ
ڕاستەوخۆ  
 
حاكمی دوبەی هێرش دەكاتە سەر سەركردە عەرەبەكان
2018-08-05 [09:26 AM]

​ZNA - هەولێر


محه‌مه‌د بن راشد ئال مه‌كتوم، جێگری سه‌رۆكی ده‌وڵه‌تی ئیمارات و فه‌رمانڕەوای دوبه‌ی هێرش ده‌كاته‌سه‌ر سیاسییه‌كانی عه‌ره‌ب و به‌ خراپ ئیداره‌دان تۆمه‌تباریان ده‌كات.

بن راشد له‌ زنجیره‌ تویتێكدا له‌ تویته‌ره‌وه‌ ده‌ڵێت: "هه‌وڵه‌كانی زۆرێك له‌ سیاسییه‌كانمان له‌ جیهانی عه‌ره‌بیدا كات به‌ فیڕۆدانه‌ و بێ ئاكاری و به‌هه‌ده‌ردانی سه‌رچاوه‌ی داهاته‌كانه‌".

هه‌روه‌ها نوسیوویه‌تی: "ئه‌وه‌ی بیه‌وێت ده‌ستكه‌وت بۆ گه‌له‌كه‌ی به‌ده‌ستیهێنێ، نیشتمان مه‌یدانه‌ و مێژوو شاهیده‌، به‌ڵام ده‌ستكه‌وتی گه‌وره‌ خۆی له‌ خۆی ده‌دوێ و قسه‌ی پووچیش هیچ نرخێكی نییه‌".

هه‌روه‌ها ده‌ڵێت: "له‌ جیهانی عه‌ره‌بیدا سیاسی زیاده‌ زۆره‌ و ئه‌وانه‌یشی ئیداره‌ی وڵات ده‌ده‌ن كه‌من".

له‌ تویتێكی دیكه‌دا گوتوویه‌تی: "له‌ جیهانی عه‌ره‌بیدا، سیاسییه‌كان ئابووری به‌ڕێوه‌ ده‌به‌ن، ته‌نانه‌ت وه‌رزشیش. به‌ڵام ئه‌ركی سیاسی راسته‌قینه‌ ئاسانكاریكردنه‌ بۆ ژیانی ئابووری و ئه‌كادیمی و پیاوانی كار و راگه‌یاندن. هه‌روه‌ها ئاسانكاری بۆ ژیانی گه‌لان و چاره‌سه‌ركردنی قه‌یرانه‌كان نه‌ك گه‌وره‌كردنیان، ده‌ستكه‌وت به‌ده‌ستده‌هێنێ نه‌ك ده‌ستكه‌وته‌كان له‌ناو ببات".

فه‌رمانڕه‌وای دوبه‌ی پێیوایه‌، ئه‌و قه‌یرانانه‌ی جیهانی عه‌ره‌بی به‌ ده‌ستیانه‌وه‌ ده‌ناڵێنێ "قه‌یرانی به‌ڕێوه‌بردنه‌ نه‌ك قه‌یرانی سه‌رچاوه‌ی داهات".

فه‌رمانڕه‌وای دوبه‌ی نموونه‌ به‌ چین و ژاپۆن دێنێته‌وه‌و كه‌سه‌رچاوه‌ی سرووشتیان نییه‌، به‌ڵام سه‌ره‌ڕای ئه‌وه‌ش بوونه‌ته‌ شوێنێكی پێشكه‌وتوو و گه‌شه‌سه‌ندوو و ده‌ڵێت: "له‌ كاتێكدا وڵاتی عه‌ره‌بی هه‌یه‌ خاوه‌نی نه‌وت و غاز و ئاو و مرۆڤه‌، به‌ڵام چاره‌نووسی گه‌شه‌سه‌ندنی نادیاره‌ و ته‌نانه‌ت ناتوانن خزمه‌تگوزارییه‌ بنه‌ڕه‌تییه‌كانی وه‌ك ئاو و كاره‌با و رێگاوبان بۆ گه‌له‌كه‌یان ده‌سته‌به‌ر بكه‌ن".

 





ئەم هەواڵە 5899جار خوێندراوەتەوە
 
 
ڤیدیۆ گەلەری
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
ڤیدیۆیی .. ساتی کوشتنی تارا فارس
ھەڵۆیەک ھەوڵی رفاندنی منداڵێک دەدات
چەند دیمەنێکی سامناکی زریان و گەردەلوولەکەی ئەمریکا
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad