English | عربی | Kurdî دواهەواڵ
ڕاستەوخۆ  
 
ئه‌فغانستان... ژماره‌یه‌ك سه‌ربازی ناتۆ و ئه‌مه‌ریكا و ئه‌فغانستان كوژران
2018-08-05 [12:58 PM]

ZNA - هه‌ولێر


 

ئه‌مڕۆ یەکشەممە هێزەکانی پشتیوانی ناتۆ لە ئەفغانستان ئاشكرای كرد، له‌ ئه‌نجامی هێرشێكی خۆكوژی بۆ سه‌ر هێزه‌كانی ناتۆ له‌ ئه‌فغانستان سێ لە سەربازەکانیان کوژراون و هه‌ر لەو هێرشەدا سەربازێکی ئەمەریكی و دوو سەربازی هێزی نیشتمانی ئەفغانیش بریندار بوون.

ژەنەڕاڵ له‌ سوپای ئەمەریکا جۆن نیکلسن سەرکردەی هێزی ئەمەریکا لە ئەفغانستان ڕایگەیاند، هاوخەمی خۆمان بۆ تەواوی هێزەکان دەردەبڕین و هابەشینی خەمی خێزان و دۆستەکانی ئەوانەین کە گیانیان بەختکردووەو بریندار بوون و هەروەها برا ئەفغانییەکانی کە بریندار بوون و خێزانەکانیان.

زانیاری ئه‌وه‌ش نه‌دراوه‌ کوژراوەکانی ناتۆ خەڵکی چ وڵاتێکن.

نیکلسن گوتیشی، قوربانیدانی ئەوان لە پێناو بەهێزکردنماندا لە دڵی ئێمەو لە مێژوودا دەمێنێتەوە.

ناتۆ ڕاینەگەیاندووە هێرشەکە لە چ شوێنێکی ئەفغانستان ڕوویداوە.

تەنها چەند کاتژمێرێک پێش ڕاگەیاندنەکەی هێزەکانی ناتۆ تالیبان ڕایگەیاند هێرشیکی تاکتیکی لە دژی کاروانێکی لەشکری ئەمەریکا لە پارێزگای پاروان ئەنجام داوە کە نزیکەی 60 کیلۆمەتر دوورە لە کابولی پایتەختی ئەفغانستانەوە.

گوتەبێژی تالیبان زەبیحوڵا موجاهد ڕایگەیاند ئەو هێرشەی کە لە چیرکاری پایتەختی پارێزگاکە ئەنجام درا هەشت سەربازی ئەمەریکایی کوشتووە یان بریندار کردووە، هەرچەندە زۆربەی جار ئەوان زیادەڕەوی لە ئامارەکاندا دەکەن.

لەلایەکی ترەوە کاربەدەستێکی ئاسایشی ئەفغانی ڕۆژی یەکشەممە ڕایگەیاند یاخیبوانی تالیبان لە ناوچەیەکی دووردەستی ڕۆژهەڵاتی پاکتیا هێرشیان کردۆتە سەر چەند خاڵێکی پشکنینی پۆلیس و بەلایەنی کەم 8 سەربازی ئەفغانیان کوشتووە.

 

voa





ئەم هەواڵە 1234جار خوێندراوەتەوە
 
 
ڤیدیۆ گەلەری
سەگێک کچێک لە خنکان رزگار دەکات
سەمایەکی کیکی بەکارەسات کۆتایی پێدێت
ببینە ھاندەرانی بەرازیل چۆن بەرد بارانی ھەڵبژاردەکەیان دەکەن
وانەی وەرزش لە ژاپۆن
به‌ ڤيديۆ.. جيهانى ئه‌مڕۆمان چى به‌سه‌ردا هاتووه‌
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad