English | عربی | Kurdî دواهەواڵ
ڕاستەوخۆ  
 
له‌باره‌ی بوونی گومان له‌سه‌ر بڕوانامه‌ی 600 مامۆستای زانكۆ، خوێندنی باڵا چه‌ند ڕونکردنەوەیەکی دا
2018-08-06 [02:16 AM]

ZNA - هه‌ولێر


 

هەفتەنامەى ڕوداو لە ڕاپۆرتێکیدا، کە لە ژمارە (٥١٦) لە ڕێکەوتى (6/8/2018) لە زارى کەسێک بەناوى موشیر ڕەشید بڵاویکردۆتەوە، گوایە گومان لە بڕوانامەى (٦٠٠) مامۆستای زانکۆ دەکرێ. وەزارەتەکەمان بەپێویستى دەزانێ، چەند خاڵێک بۆ خوێنەرانى هەفتانامەى ڕوداو و ئەو کەسە ڕوونبکاتەوە، کە لێدوانى داوە:

 

1.   دڵنیابون و دڵنیانەبون لە بڕوانامە لە هەر ئاستێکى خوێندنى زانکۆیى بێ، وەزارەتەکەمان بەئەرکى خۆى زانیوە و دەزانێ و، تا ئێستاش بەباشى ئەو ئەرکەى خۆى ڕاپەڕاندوە.

 

2.   ئەو کەسە کە بەناوى دەستەى دەستپاکیەوە لێدوان دەدات، باشترە لە لێدوانەکانى وردبێت و، سەرچاوەى زانیارییەکانى دروست بێ، نەک خوێنەرانى هەفتەنامەکە و خەڵکیش چەواشە بکات.

 

3.   وەک ئاشکرایە لە ساڵى (٢٠١٥)ەوە نەک (٢٠١٦) وەک ئەو کەسە باسیکردوە، بەهۆى ئەو بارودۆخەى لە موصڵ و ناوچەکانى دیکەى ئێراق ڕویدا، بەشێکى زۆر لە زانکۆکانى موصڵ و تکریت نوسینگەیان لە شارەکانى کوردستان کردەوە، هەروەک لەلایەن زانکۆکانى کوردستانیشەوە کارئاسانى بۆ تەواوى ئەو خوێندکارانە کرا، کە لەو زانکۆیانە دەیانخوێند، بەتایبەت خوێندکارانى خوێندنى باڵا، بۆ ئەوەش بەشێکى زۆر لە کۆرسەکانى خوێندن و تاوتوێکردنى نامەى ماستەر و تێزى دکتۆراکانیان لە زانکۆکانى کوردستان کرد، بۆیە ئەو زانیاریانەى باس لەوە دەکات کە لە موصڵ و شوێنەکانى دیکە بڕوانامەیان لەو ماوەیەدا بەدەستهێناوە دورە لە ڕاستى.

 

4.   ئێستاش وەزارەتەکەمان، داوا لە دەستەى دەستپاکى و لایەنە پەیوەندیدارەکان کردوە، کە گومانیان لە بڕوانامەى هەر کەسێک هەیە بۆمانى ڕەوانە بکەن بۆ ئەوەى بەدواداچونى لەسەر بکەین و، لە ڕاستى و دروستى بڕوانامەکان دڵنیابین.

 

5.    وەزارەتەکەمان لێژنەى هەمیشەیی هەیە بۆ دڵنیابون لە ڕاستى و دروستى بڕوانامەکان.

 

بۆیە بەدڵنیایەوە، ئەو ژمارەیەى ئەو کەسەى کە بەناوى دەستەى دەستپاکى باسى کردوە دورە لە واقیع و هیچ بنەمایەکى ڕاستى بۆ نیە، باشتریش بوو هەفتەنامەى ڕوداو بۆ ڕاستى قسەکانى ئەو کەسە لێدوانى لە وتەبێژى وەزارەتەکەمان وەربگرتایە، نەک لە زارى کەسێکەوە کە بەهۆى نەبونى زانیارییەوە خوێنەرانى بەرەو چەواشە دەبات.

 

 





ئەم هەواڵە 1975جار خوێندراوەتەوە
 
 
ڤیدیۆ گەلەری
سەگێک کچێک لە خنکان رزگار دەکات
سەمایەکی کیکی بەکارەسات کۆتایی پێدێت
ببینە ھاندەرانی بەرازیل چۆن بەرد بارانی ھەڵبژاردەکەیان دەکەن
وانەی وەرزش لە ژاپۆن
به‌ ڤيديۆ.. جيهانى ئه‌مڕۆمان چى به‌سه‌ردا هاتووه‌
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad