English | عربی | Kurdî دواهەواڵ
ڕاستەوخۆ  
 
وەزارەتی خوێندنی باڵا مەرجەکانی وەرگرتنی قوتابیان بڵاودەکاتەوە
2018-08-08 [06:22 AM]

ZNA-هەولێر


وەزارەتی خوێندنی باڵای هەرێم مەرج و ڕێنماییەکانی وەرگرتن و گواستنەوە و دابەزینی قوتابیانی لە زانکۆ و پەیمانگاکان بۆ ساڵی خوێندنی ٢٠١٨ بۆ ٢٠١٩ بڵاوکردەوە.

لە مەرجەکانی وەزارەتی خوێندنی باڵا دا هاتووە، هەر قوتابیەک کە فۆرمی وەرگرتن پێشکەشدەکات مەرج نییە وەربگیرێت، چونکە وەرگرتن بەپێی چەند بنەمایەکی زانستی دادپەروەرانەیە لەسەر بنەمای کێبڕکێی کۆنمرەیە لەنێوان قوتابیەکاندا.

لەبارەی کۆنمرەی قوتابیان بۆ وەرگرتن لە بەشەکان، لە مەرجەکاندا هاتووە، بۆ کۆلێژە پزیشکییەکانی وەک (پزیشکی، پزیشکی ددان، دەرمانسازی) نابێت قوتابی تێکڕای نمرەکەی ٨٥% کەمتر بێت.

هەرەها بۆ کۆلێژی ئەندازیاری نەوت و کیمیایی (بەشەکانی نەوت، پترۆل، کیمیایی) نابێت تێکڕای نمرە ٨٠% کەمتر بێت.

بەپێی مەرج و ڕێنماییەکان، گواستنەوەی قوتابیان لە کۆلێژی کۆنمرە نزمەکان بۆ بەرزەکان بە جۆرێک دەبێت کە قوتابی ساڵی یەکەمی بێت لە قۆناغی یەکەم لە زانکۆ و یەکەمیش بێت، واتە کۆنمرەکەی ٨٠% کەمتر نەبێت لەسەر ئاستی بەشەکەی خۆی.





ئەم هەواڵە 6238جار خوێندراوەتەوە
 
 
ڤیدیۆ گەلەری
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
ڤیدیۆیی .. ساتی کوشتنی تارا فارس
ھەڵۆیەک ھەوڵی رفاندنی منداڵێک دەدات
چەند دیمەنێکی سامناکی زریان و گەردەلوولەکەی ئەمریکا
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad