English | عربی | Kurdî دواهەواڵ
ڕاستەوخۆ  
 
لە وڵاتێکی ئەوروپی کارگەیەکی چەک و تەقەمەنی تەقیەوە و قوربانی هەیە
2018-08-11 [06:30 AM]

ZNA-هەولێر


کارگەیەکی چەک و تەقەمەنیی سوپای بەریتانیا لە باشووری رۆژئاوای ئەو وڵاتە تەقییەوە و قوربانی لێکەوتەوە.
 

تەقینەوەکە دوێنێ هەینی 10/8/2018 لە هەرێمی ویڵشایەر لە نزیک شاری سالیزبۆری لە کارگەی چیمرینگ کاونتەرمەیجەرز بۆ دروستکردنی چەکی و تەقەمەنی، رووی داوە.
 

کارگەکە دەکەوێتە دووریی چەند کیلۆمەترێک لە تاقیگەی پۆرتۆنی سەر بە وەزارەتی بەرگریی بەریتانی، کە لێکۆڵینەوەی لە هێرشی گازی ژەراوی بۆ سەر سیخوڕە رووسییەکە، کردووە.
 

بەهۆی تەقینەوەکەوە، کە تا ئێستا هۆکارەکەی ئاشکرا نەکراوە، کەسێک گیانی لەدەست داوە و کەسێکی دیکەش بریندار بووە.
 

سێرگی سکریپاڵ ئەفسەرێکی دەزگای هەواڵگریی سەربازیی رووسیا بوو، کاری بۆ دەزگای هەواڵگریی بەریتانیا دەکرد و دواتر ئاشکرا بوو و دەستگیر کرا، لە ساڵی 2010 لە میانەی گۆڕینەوەی سیخوڕە دەستگیرکراوەکان، ئازاد کرا و نێردرایە بەریتانیا.
 

رۆژی 4/3/2018، لاشەی سێرگی سکریپاڵ و کچەکەی بەبێ هۆشی لە شەقامێکی شاری سالیزبوری لە باشووری بەریتانیا دۆزرایەوە، حکوومەتی بەریتانیا رایگەیاندووە، کە ئەو بە گازێکی کیمیاوی هێرشی کراوەتە سەر.





ئەم هەواڵە 4519جار خوێندراوەتەوە
 
 
ڤیدیۆ گەلەری
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
ڤیدیۆیی .. ساتی کوشتنی تارا فارس
ھەڵۆیەک ھەوڵی رفاندنی منداڵێک دەدات
چەند دیمەنێکی سامناکی زریان و گەردەلوولەکەی ئەمریکا
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad