English | عربی | Kurdî دواهەواڵ
ڕاستەوخۆ  
 
ئێران سەردانی سەرۆکوەزیرانی عێراقی بۆ تاران رەتکردەوە
2018-08-12 [06:47 AM]

ZNA-هەولێر



گوتەبێژی وەزارەتی دەرەوەی ئێران سەردانی سەرۆکوەزیرانی عێراقی بۆ تاران رەتکردەوە و سەرچاوەیەکیش بە ئاژانسێکی ئێرانی راگەیاندووە، سەردانی سەرۆکوەزیرانی عێراق بۆ ئێران لە بەرنامەدا نییە.

لە دوو رۆژی رابردوو ئاژانسە عێراقییەکان بڵاویانکردەوە کە حەیدەر عەبادی، سەرۆکوەزیرانی عێراق بۆ گفتوگۆ لەبارەی حکومەتی داهاتووی عێراق، سەردانی تاران دەکات. بڵاوبوونەوەی ئەو هەواڵە لەکاتێکدابوو کە هەڵوێستەکانی حکومەتی عێراق و سەرۆکوەزیرانی ئەو وڵاتە بەوەی کە ناچارن پابەند بن بە سزاکانی ئەمریکا بۆ سەر ئێران، کاردانەوەی تووندی لەئێران لێکەوتووەتەوە.

لەبارەی دەنگۆی سەردانی حەیدەر عەبادی بۆ تاران، بەهرام قاسمی، گوتەبێژی وەزارەتی دەرەوەی ئێران، بێ ئاگایی خۆی لەو سەردانە دەربڕی و رایگەیاند، لەبارەی ئەو سەردانەوە هیچ هەواڵێک یان زانیارییەکی فەرمی پێنەگەیشتووە.

هەروەها سەرچاوەیەکی ئاگادار بە ئاژانسێکی ئەو وڵاتەی راگەیاندووە، سەردانەکەی عەبادی ئێستا لە بەرنامەدا نییە. رەتکردنەوەی هەواڵی سەردانەکەی عەبادی بۆ تاران لەلایەن بەرپرسانی ئەو وڵاتەوە وا لێکدەدرێتەوە کە ئێران ناڕازییە لەو هەڵوێستانەی سەرۆکوەزیرانی عێراق و تاوەکو ئێستا رێگەی بەو سەردانە نەداوە و رەتیکردووەتەوە پێشوازیی لێبکات.

حەیدەر عەبادی، سەرۆکوەزیرانی عێراق لە دوای کۆبوونەوەی ئەنجوومەنی وەزیران لە سێشەممەی رابردوو، لەبارەی سزاکانی ئەمریکا بۆ سەر ئێران و هەڵوێستی ئەو وڵاتە گوتی: "بەغدا لەگەڵ ئەو سزایانەی ئەمریکا بۆ سەر ئێران نییە، بەڵام بۆ پاراستنی بەرژەوەندییەکانی گەلی عێراق، ناچارین پابەند بین بەو سزایانەوە".





ئەم هەواڵە 4444جار خوێندراوەتەوە
 
 
ڤیدیۆ گەلەری
فرۆکەوانێک بەم شێوەیە رێز لە مامۆستاکەی دەگرێت
کچێک بە موعجیزە رزگاری دەبێت
لە عێراق بەم شێوەیە ئاوی باران لادەدەن ، بە دڵنیایی دوو جار سەیری دەکەیەوە
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad