English | عربی | Kurdî دواهەواڵ
ڕاستەوخۆ  
 
ئەنجێلا مێركل: پەنابەران دەبێت بەسەر گشت وڵاتانی ئەوروپا دابەش بکرێن
2018-08-12 [06:49 AM]

ZNA – هەولێر


ئیسپانیا و ئەڵمانیا رێگایەکی هاوبەش بۆ چارەسەکردنی کێشەی پەنابەران دەدۆزنەوە و هەردوولا لەسەر چۆنیەتی گەڕانەوەی پەنابەران بۆ وڵاتەکانیان رێکدەکەون.

بە گوێرەی هەواڵێکی سایتی سپۆتنیک، ئەنگێلا مێرکڵ، راوێژکاری ئەڵمانیا، ریكکەوتنی نێوان بەرلین و مەدریدی بە "ئەرێنی ناوبردوە" و دەشڵێت کە وڵاتەکەی هاوشێوەی ئیسپانیا لەگەڵ یۆنان بۆ گەڕاندنەوەی پەنابەران رێکدەکەوێت.

لەکۆنگرەیەکی رۆژنامەنووسیدا لەگەڵ پێدرۆ سانشێز، سەرۆک وەزیرانی ئیسپانیا، مێرکڵ گووتی: "گشت وڵاتانی ئەوروپا دەبێت لەسەر سیستەمێکی یەکسان و پێشکەوتوو رێکبکەون تاکو ئەو پەنابەرانەی شیاوی مانەوە نین، بۆ وڵاتەکانیان بگەڕێندرێنەوە".

سەبارەت بە دابەشکردنی پەنابەرانی ئەوروپا، مێرکڵ گووتی: "ئەوانەی رێگایان پێدەدرێت بمێننەوە، دەبێت بەسەر گشت وڵاتانی ئەوروپا دابەشبکرێن، بەڵام هێشتا لەسەر ئەمە نەگەشتووینەتە رێککەوتن".

لە ئێستادا ئەڵمانیا و ئیسپانیا لەسەر ئەوە رێککەوتوون، ئەگەر پەنابەرێک لە ئیسپانیا خۆی نانووسکردبێت بەڵام چوبێتەوە ئەڵمانیا و لەوێ مابێتەوە، ئەوا دەبێت لە ماوەی 48 کاتژمێر بۆ ئیسپانیا بگەڕێندرێتەوە.

هەروەها یەکێتی ئەوروپا کار لەسەر ئەوە دەکات لەگەڵ ئەو وڵاتانە رێکبکەوێت کە پەنابەرانیان لێوە دەچن بۆ ئەوروپا، تاکو هەم رێگری بکات لە هاتنی پەنابەران و هەمیش ئەوانەی ناتوانن مافی پەنابەرێتی وەربگرن، بۆ وڵاتەکانی خۆیان بگەڕێندرێنەوە.

 





ئەم هەواڵە 4942جار خوێندراوەتەوە
 
 
ڤیدیۆ گەلەری
چەند دیمەنێکی سامناکی زریان و گەردەلوولەکەی ئەمریکا
یەکەم گۆڵی رۆنالدۆ لەگەڵ یانەی یۆڤانتس
منداڵێک بەشێوەیەکی سەرسوڕھێنەر لە رووداوێکی ھاتووچۆ رزگاری دەبێت
پێشبڕکێیەکی ئەسپ سواری کارەساتی لێدەکەوێتەوە
گەنجێک ئافرەتێک لە مردن رزگار دەکات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad