English | عربی | Kurdî دواهەواڵ
ڕاستەوخۆ  
 
بۆ نه‌كه‌وتنی شارێك، ئەفغانستان هێزی زیاتر دەنێرێت
2018-08-13 [11:30 AM]

ZNA - هه‌ولێر


 

ئه‌فغانستان له‌ ترسی نه‌كه‌وتنی شاری غه‌زنه‌ له‌ ناوه‌ڕاستی وڵاته‌كه‌، هێزی تایبەتیان بۆ ڕووبەڕووبوونەوەی چەکدارانی تاڵیبان نارد کە خەریکە کۆنتڕۆڵی شارەکە دەکەن.

دوێنێ یه‌كشه‌ممه‌ نوێنه‌ران و ژماره‌یه‌ك هاوڵاتی ئاشكرایان كرد، بزوتنه‌وه‌ی تالیبان هێرشی كردۆته‌ سه‌ر بنكه‌یه‌كی پۆلیس و باڵه‌خانه‌ حكومییه‌كان له‌ غه‌زنه‌ له‌ ناوه‌ڕاستی ئه‌فغانستان و دوای ئه‌وه‌ی مینێكی زۆریان له‌ رێگای خێرایی سه‌ره‌كی شاره‌كه‌ چاندوه‌، هه‌ڕه‌شه‌ی كۆنترۆلی شاره‌كه‌ ده‌كه‌ن.

لای خۆیه‌وه‌ سه‌رۆكی ئه‌ركانی سوپای ئه‌فغانستان محه‌ممه‌د شه‌ریف یه‌فتالی وتی، شاره‌كه‌ هه‌ڕه‌شه‌ی كه‌وتنی له‌سه‌ر نییه‌ و شه‌ڕێكی به‌هێز بۆ ده‌ركردنی شه‌ڕكه‌رانی تالیبان له‌ دووری شاره‌كه‌ به‌رده‌وامه‌.

ئەم هێرشەی تاڵیبان بۆ سەر شاری غەزنە کە شوێنێکی ستراتیژییە و ڕێگەی سەرەکی نێوان کابوڵی پایتەخت و باشووری وڵاتەکەیە، زیانێکی زۆری گەیاند بە سەرۆکی ئەفغانستان ئەشرەف غەنی و هیوای ئەگەری دەستپێکردنی دانوستانەکانی ئاشتی نەهێشت.

دوای 72 کاتژمێر بە بێ هیچ لێدوانێکی ئاشکرا لە کۆشکی سەرۆکایەتییەوە سەبارەت بە هێرشەکەی تاڵیبان بۆ سەر غەزنە، سەرۆکی ئەفغانستان ئەشرەف غەنی لە تۆڕی کۆمەڵایەتی تویتەر نوسیویەتی بەخێرایی یارمەتی بۆ شارەکە ڕەوانە دەکرێت.

بەرپرسانی ئەفغانی وتیان هێزە تایبەتییەکانی ئەمەریکا یارمەتی هێزەکانی ئەفغانستان دەدەن لە هەماهەنگی هێرشە ئاسمانییەکان و ئەرکە پیادەکاندا، بەڵام سوپای ئەمەریکا لە کابوڵ تا ئێستا ئەو هەواڵەی پشت ڕاست نەکردۆتەوە.

 

بەرپرسێکی ئاسایشی ئەفغانستان وتی نزیکەی 100 سەرباز و پۆلیس کوژراون و ژمارەیەکی زۆریش برینداربوون. وتیشی زیانە گیانییەکانی تاڵیبانیش زۆرە و ئێوارەی یەکشەممە نزیکەی 50 چەکداری تاڵیبان بەهۆی هێرشە ئاسمانییەکانەوە کوژراون لە کاتێکدا لە چاوەڕوانی خواردنی ئێوارەدا بوون.

ژمارەی قوربانیانی مەدەنی نەزانراوە بەڵام کۆمەڵێک شایەتحاڵ کە گەیشتوونەتە کابوڵ دەڵێن لاشەیەکی زۆریان لەسەر شەقامەکان بینیوە.

بەرپرسێکی وەزارەتی ناوخۆی ئەفغانستان وتی بەلایەنی کەمەوە 15 هاوڵاتی مەدەنی کوژراون و زیاتر لە 400 هاوڵاتی دیکە لە پێکدادانەکاندا برینداربوون.

 

ئاژانسه‌كان





ئەم هەواڵە 2872جار خوێندراوەتەوە
 
 
ڤیدیۆ گەلەری
چەند دیمەنێکی سامناکی زریان و گەردەلوولەکەی ئەمریکا
یەکەم گۆڵی رۆنالدۆ لەگەڵ یانەی یۆڤانتس
منداڵێک بەشێوەیەکی سەرسوڕھێنەر لە رووداوێکی ھاتووچۆ رزگاری دەبێت
پێشبڕکێیەکی ئەسپ سواری کارەساتی لێدەکەوێتەوە
گەنجێک ئافرەتێک لە مردن رزگار دەکات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad