English | عربی | Kurdî دواهەواڵ
ڕاستەوخۆ  
 
وەزارەتی دارایی قەرەبووی فەرمانبەران دەکاتەوە 
2018-08-13 [01:59 AM]

ZNA – ھەولێر 



ئەو فەرمانبەرانەی لە ساڵەکانی ٢٠١٤ ‌و ٢٠١٥ ھەڵە لە مووچە یان دەرماڵەکانیاندا ھەبووە و پارەی کەمتریان پێدراوە، بەپێی رێنماییەکی وەزارەتی دارایی مووچەکانیان بۆ خەرجدەکرێتەوە، مانگانەش لانیکەم یەک ملیۆن دینار وەردەگرنەوە.

بەپێی رێنمایی ژمارە ١٧ی وەزارەتی دارایی و ئابووری، کە لە ٩ی ئاب دەرچووە و واژۆی رێباز حەملان، وەزیری دارایی و ئابووری حکومەتی ھەرێمی کوردستانی بەسەرەوەیە، ئاماژە بە جیاوازی مووچە و دەرماڵە دەکات.

لە رێنماییەکەدا ھاتووە، ئەو مووچەخۆرانەی بە ھەڵە کەمتر یا زیاتری مووچە یان دەرماڵەیان بۆ خەرجکرابێت لە ھەردوو ساڵی ٢٠١٤ و ٢٠١٥ مانگانە جیاوازی مووچەکەیان بۆ خەرجدەکرێتەوە، بەشێوەی مانگانە لەگەڵ مووچەکەیان.

ھەر لە رێنماییەکاندا ئەوەش خراوەتەڕوو، ئەگەر بڕی پارەکە لە ١٠ ملیۆن زیاتر بوو، ئەوا پێویستە رەزامەندی وەزارەتی دارایی بۆ وەربگیرێت.

پێشتر وەزارەتی دارایی و ئابووری بڕیاریدابوو، جیاوازی مووچە بۆ ساڵەکانی ٢٠١٦، ٢٠١٧ و ٢٠١٨  خەرجبکرێتەوە.


سەرچاوە | رووداو
 





ئەم هەواڵە 40465جار خوێندراوەتەوە
 
 
ڤیدیۆ گەلەری
چەند دیمەنێکی سامناکی زریان و گەردەلوولەکەی ئەمریکا
یەکەم گۆڵی رۆنالدۆ لەگەڵ یانەی یۆڤانتس
منداڵێک بەشێوەیەکی سەرسوڕھێنەر لە رووداوێکی ھاتووچۆ رزگاری دەبێت
پێشبڕکێیەکی ئەسپ سواری کارەساتی لێدەکەوێتەوە
گەنجێک ئافرەتێک لە مردن رزگار دەکات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad