English | عربی | Kurdî دواهەواڵ
ڕاستەوخۆ  
 
سەرۆک بارزانی پێشوازی لە باڵیۆزی ئەمەریکا لە عێراق دەکات
2018-08-15 [12:13 PM]

ZNA – ھەولێر 



ڕۆژی چوارشەممە ١٥ـی ٨ـی ٢٠١٨ لە سەلاحەددین سەرۆک مەسعود بارزانی پێشوازی لە دۆگڵاس سڵێمان  باڵیۆزی ئەمەریکا لە عێراق و ستیڤ فاگین کونسوڵی گشتیی ئەمەریکا لە ھەولێر کرد.


لە دیدارەکەدا بارودۆخی سیاسیی عێراق و ناوچەکە و پێشھاتە تازەکان لەسەر ئاستی ھەرێمایەتی و نێودەوڵەتی تاوتوێ کرا و باڵیۆزی ئەمەریکا لە عێراق ستراتیژیی وڵاتەکەی لەبارەی دوا وێستگەکانی شەڕی داعش و یارمەتیدانی ئاوارە و پێکھاتەکانی عێراق و ھەروەھا گۆڕانکارییە ھەرێمایەتییەکان بۆ سەرۆک بارزانی خستەڕوو و ئاماژەیشی بە ڕۆڵی کاریگەری سەرۆک بارزانی و حکوومەتی ھەرێم دا لە پەنادان و پاراستنی پێکھاتە و ئاوارەکانی عێراق لە شەڕی تیرۆریستانی داعش.


لە بەشێکی تری ئەو کۆبوونەوەیەدا بیروڕا لەبارەی عێراقی دوای ھەڵبژاردن و ھەوڵەکان بۆ پێکھێنانی حکوومەتی تازە و ھاوکێشەکانی ناو عێراق ئاڵوگۆڕ کرا و سەرۆک بارزانی جەختی لەوە کردەوە کە ئەوەی بە لای ھەرێمی کوردستانەوە گرنگە بەرنامەی حکوومەتی ئاییندەی عێراقە و ھەروەھا پابەندبوونی لایەنەکان بە سێ پڕەنسیپی ھاوبەشی لە حوکمداری و تەوافوق لە یاسادانان و ھاوسەنگی لە دامەزراوەکان ئەولەویەتی سەرەکییە و جەختی لەوەیش کردەوە کە ڕەچاوکردنی ئەو سێ پڕەنسیپە دەبێتە ھۆی چارەسەرکردنی زۆر لە کێشەکان.


ی.ا
 





ئەم هەواڵە 8485جار خوێندراوەتەوە
 
 
ڤیدیۆ گەلەری
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
ڤیدیۆیی .... بە ئاگر و شمشێر قژی ئافرەتان رێکدەخات
فرۆکەوانێک بەم شێوەیە رێز لە مامۆستاکەی دەگرێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad