English | عربی | Kurdî دواهەواڵ
ڕاستەوخۆ  
 
بکوژێکی ھەڵاتوو لە سلێمانی لەھەولێر دەستگیر دەکرێت 
2018-08-15 [12:18 PM]

ZNA – ھەولێر 


کەسێک کە تۆمەتباری سەرەکی بوو بە کوشتنی گەنجێک لە سلێمانی، لە دوای زیاتر لە دوو مانگ خۆحەشاردانی لە شاری ھەولێر، بەھاوکاری ھێزەکانی پۆلیسی ھەولێر دەستگیردەکرێت ‌و رەوانەی سلێمانی دەکرێتەوە.

بەشی راگەیاندن و پەیوەندییەکانی بەڕێوەبەرایەتیی پۆلیسی پارێزگای سلێمانی رایگەیاند: "لە دوای ئەوەی لە ٧-٦-٢٠١٨ لە شاری سلێمانی کەسێک دەکوژرێ ‌و ھێزەکانی پۆلیسی سلێمانی تۆمەتبارێکی تەمەن ٢٨ساڵ کە دەستی لەتاوانەکەدا ھەبووە دەستگیردەکەن، بەڵام تۆمەتباری سەرەکی رووداوەکە دەستگیرناکرێت ‌و بەرەو شوێنێکی نادیار ھەڵدێت، بەڵام دوای گەڕان ‌و پشکنینەکانیان بۆ دەستگیرکردنی تۆمەتباری سەرەکی رووداوەکە بەھاوکاری ھێزەکانی پۆلیسی ھەولێر توانرا دەستگیربکرێت ‌و رەوانەی شاری سلێمانی بکرێتەوە".

بەشی راگەیاندن و پەیوەندییەکانی بەڕێوەبەرایەتیی پۆلیسی پارێزگای سلێمانی باس لەوەش دەکات: "ھێشتا دوو تۆمەتباری دیکەی ھەمان رووداو ماون دەستگیربکرێن و پۆلیسی سلێمانی لێکۆڵینەوەکانی بەردەوامە بۆ دەستگیرکردنیان".


ئێستا ھەردوو ئەو تۆمەتبارانەی دەستگیرکراون بە فەرمانی دادوەر و بەپێی ماددەی ٤٠٦ لەیاسای سزادانی عیراقی بەندکراون.


ی.ا


 





ئەم هەواڵە 6463جار خوێندراوەتەوە
 
 
ڤیدیۆ گەلەری
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
ڤیدیۆیی .... بە ئاگر و شمشێر قژی ئافرەتان رێکدەخات
فرۆکەوانێک بەم شێوەیە رێز لە مامۆستاکەی دەگرێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad