English | عربی | Kurdî دواهەواڵ
ڕاستەوخۆ  
 
پارتی نە پیردبیت ، نە دمریت ..!
2018-08-16 [10:53 AM]

نڤیسینا : غیاس خالد زێباری 


ئەڤرۆ ٧٢ سال بسەر دامەزراندنا پارتی دیموکراتی کوردستان دەرباز دبن ، ئەو پارتیا ل ١٦ ێ تەباخا سالا ١٩٤٦ د کاودانێن ئالۆزێن رەوشەنبیری و نەتەوی و جڤاکی و سیاسی و ھزری یێن کوردستانێ لسەر دەستێ رێبەر و بابێ دیرۆکی و کنیاتیێ نەتەوا کورد مستەفا بارزانی ھاتیە دامەزراندن ، حەفتێ و دوو سال بۆ ژیێ ھەر رێکخستنەکێ ژیەکێ درێژە و ئەگەر خودان ئیلھام و پلان و بەرنامێن تایبەت نەبیت دێ پیر بیت ، یان مریت ، لێ پارتی دیموکراتی کوردستان ب تێپەربوونا ڤی ژی یەی ل بوھارا لاوینیێ دایە ، ڕەنگە ئەگەرێن ڤێ چەندێ جھێ پسیار و تێڕامانێ بیت ، بەلێ پارتی پیر نابیت و نامریت ، چونکی ئەڤ پارتی لسەر بنەمایەکێ مۆکوم و راست و دروست و پرۆژە و بەرنامێن رێکخستنی یێن ھەمە لایەن ھاتیە دامەزراندن ، ئەوژی فەلسەفە و رێبازا پیرۆزا بارزانی نەمرە و ل کۆراتیا جڤاکێ کوردستانێ و بۆ بەرژەوەندێن وان ھاتیە دامەزراندن . 

رێبازا پیرۆزا بارزانی نەمر ، ئەو ھزر و فەلسەفەیە کۆ ژ ئەنجامێ وێ پەروەردەیا دامەزرێنەرێ وێ مستەفا بارزانی نەمر ل مالباتا خۆ وەرگرتی وەک شێخ عەبدولسەلام و شێخ ئەحمەد بارزانی ژبۆ نەھێلانا وێ زۆڵم و زۆرداریا رژێم و دەسھەلاتێن دەڤەرێ ل خەلکێ کوردستانێ دکر ، ژلایێ سیاسی و نەتەوی و جڤاکی و پەروەردەیی و رەوشەنبیری و ژێنگەھی ڤە . پارتی دیموکراتی کوردستانی ژی بۆ ئازادی و رزگاریا خەلکێ کوردستانێ و گەھشتن ب ماف و ئارمانجێن نەتەوی و بەختەوەریا خەلکێ کوردستانێ ھاتیە دامەزراندن و خەبات و قوربانیێن بێ وێنە داینە ، ھەرچەندە دڤان سالێن ژیێ خۆدا تووشی چەندین کارەسات و پیلان و ھێرشێن لەشکری و سیاسی و جڤاکی بوو لێ لسەر ڤێ چەندێ را نە تنێ خۆ راگرت ، بەلکێ پشتی ھەر پیلانەکێ ب ھێزەکا خۆرتر ھاتەڤ گۆرەپانا سیاسی یا کوردستانێ دا و دەسکەفتێن مەزن بدەستڤەینان ، ھەر لسەردەمێ ئۆسمانیا و پاشان داگیرکارێن بریتانا و رژێمێن ئێک لدیڤ ئێکێن عیراقێ ل شۆرەشێن بارزان یێن ئێکێ و دوویێ و پاشان شۆرەشا مەزنا ئیلۆنێ و گۆلانێ و سەرھەلدانێ ، ھەتا دگەھینە شەرێ تیرۆرستێن داعش ، ئەگەر پارتی و شوینەکەفتیێن رێبازا پیرۆزا بارزانی نەمر خۆدان ئیلھام و پرنسیپ و پلان و بەرنامێن دارشتی و بەرژەوەند پارێزێن نەتەوی و نشتیمانی نەبن ، ئەگەر ھەتا نھو نەمربا ، دا بیتە پیرەکێ کاڵ ، لێ پارتی پشتی ھەر قوناغەکێ و پیلانەکێ ب گەرم و گۆریەکا نووبوونەڤە و ھێزەکا گەنجانە ھاتیە گۆرەپانا سیاسی یا کوردستانێ و لدەمەکێ ھەرە نێزیک سەرکەفتن تۆمارکرینە و دەسکەفتێن مەزن تۆمار کرینە ، پشتی حەفتێ و دوو سالا ھێشتا ھێز و پارتیا ئێکێ یە لسەر ئاستێ ھەرێما کوردستانێ و عیراقێ ، ئەڤەژی نیشان و بەلگەیە کۆ ھێزەکا ڤەشارتیا ئیلاھی و ھێزەکا نەڤەشارتیا خەلکێ کوردستانێ لپشت پارتی یە و پارتی نوونەرایەتیا راستەقینەیا خەلکێ کوردستانێ یە ، پێتڤی یە ئەڤرۆ ژی ھێز و ئالیێن سیاسی یێن ھەرێما کوردستانێ دان پێدانێ بڤێ راستیێ بکەن و دەستا لوێ پیلانگێریێ و دووبەرەکێ بەردەن ، ئەوا ھەردەم پارتی کار بۆ نەمانا وێ کریی و ئێک رێزی و ئێکڤە ژیان و وەک ھەڤی و ئاشتی و دادوەری کرینە بەرنامێ کارکرنێ ژبووی ئازادیا کوردستانێ و گەھشتن ب ماف و ئارمانجێن نەتەوی و مرن و پیر بونا پارتی د خەیاڵ و بەرنامە و پیلانێن خۆردا ب ئێکجاری دیلێت بکەت ، دگەل پارتی بێنە سەنگەری دا بۆ بھێزتر کرنا پێگەھێ ھەرێما کوردستانێ لسەرئاستێ عیراقێ و کوردستانێ ، نەخاسمە ئەڤ رەوش و کاودانێن عیراقێ و دەڤەرێ دا ، کۆ بەرەڤ گۆرانکاریێن بنەڕەتی دچیت و داکۆ دبەرژەوەندا خەلکێ کوردستانێ دابلەنگیت . 

ئەڤرۆ ژی خەلکێ کوردستانێ گەھشتیە وی ئاستی کۆ پارتی سەنگ و داینەمۆیا پێشڤەچوونا دووزا سیاسی و بزاڤا رزگاریخوازیا کوردستانی یە و بەرامبەر ھەر پیلانەکێ دێ ب گۆر و تینەکا بھێزتر سەرکەڤیت و گەمیا کوردایەتیێ گەھینتە کەنارێن ئارامیێ و ئارمانجا دووماھیێ .

پیربوون و مرن د خۆ ل پارتی دپارێزیت چونکی ب ھەبوونا رێبازا پیرۆزا بارزانی نەمر و سەرۆک مەسعود بارزانی پارتی ل وان بھێزتر و خۆرترە .





ئەم هەواڵە 1579جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad