 |
|
|||
ZNA - هه‌ولێر له په‌یامێكی پیرۆزباییدا، مه‌سرور بارزانی راوێژكاری ئه‌نجوومه‌نی ئاسایشی هه‌رێمی كوردستان، جه‌ژنی قوربانی پیرۆز كرد و داواشی له خه‌ڵك و لایه‌نه كوردستانییه‌كان كرد پرۆسه‌ی هه‌ڵبژاردنی په‌رله‌مانی كوردستان به ئیراده‌یه‌كی نیشتمانییه‌وه سه‌ربخه‌ن.
ئه‌وه‌ش ده‌قی په‌یامه‌كه‌یه:
به‌ناوی خوای گه‌وره و میهره‌بان هاتنه‌وه‌ی جه‌ژنی قوربانی پیرۆز له خانه‌واده‌ی سه‌ربه‌رزی شه‌هیدان و پێشمه‌رگه قاره‌مانه‌كان و ده‌زگا ئه‌منییه‌كان و موسڵمانانی كوردستان و جیهان پیرۆز ده‌كه‌م، هیوای جه‌ژنێكی ئارام بۆ هه‌موو لایه‌ك ده‌خوازم. هه‌ر به‌م بۆنه‌یه‌وه داوا له خه‌ڵك و لایه‌نه كوردستانییه‌كان ده‌كه‌ین پرۆسه‌ی هه‌ڵبژاردنی په‌رله‌مانی كوردستان به ئیراده‌یه‌كی نیشتمانییه‌وه سه‌ربخه‌ن بۆئه‌وه‌ی له‌پاڵ هه‌وڵه‌‌كان ببێته هۆكارێكی دیكه بۆ سه‌قامگیری و پێشكه‌وتنی وڵاته‌كه‌مان و به‌دیهاتنی ئه‌و ئامانج و ئاواتانه‌ی خه‌ڵكی كوردستان چاوه‌ڕێن. مه‌سرور بارزانی راوێژكاری ئه‌نجوومه‌نی ئاسایشی هه‌رێمی كوردستان 20/ 8/2018 ئەم هەواڵە 4936جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad