English | عربی | Kurdî دواهەواڵ
ڕاستەوخۆ  
 
پیرۆزبایینامەی مەکتەبی سیاسی پارتی دیموکراتی کوردستان بەبۆنەی جەژنی قوربانی پیرۆز
2018-08-20 [04:15 AM]

ZNA- هەولێر


 

 

 

مەکتەبی سیاسی پارتی دیموکراتی کوردستان بەبۆنەی جەژنی قوربانی پیرۆز پەیامێکی پیرۆزبایی ئاراستەی سەرجەم موسڵمانانی جیهان و عێراق و کوردستان کرد.

 

ئەمەش دەقی پیرۆزبایی‌نامەکەیه:

 

بەبۆنەی ھاتنەوەی جەژنی قوربانی پیرۆز، گەرمترین پیرۆزبایی لە سەرجەم موسڵمانانی کوردستان و عیراق و جیھان دەکەین و، بە شێوەیەکی زۆر تایبەت پیرۆزبایمان ئاراستەی خانەوادە و کەس و کاری سەربەرزی شەھیدە نەمرەکان و ھێزی پێشمەرگەی کوردستان و کادیر و ھەڤاڵانمان دەکەین، ھیوادارین گەلەکەمان ھەمیشە ھەر بەختەوەرو ئاسوودە بێت و ھەر رۆژێکی جەژن و شادی و کامەرانی بێت.

 

جەژنی پیرۆزی قوربان، جەژنی تەبایی و برایەتی و لێبووردەییە، ھەڵگری پەیامی ئاشتەوایی و خێروخۆشیی و بەرەکەتە بۆ گشت مرۆڤایەتی و موسڵمانان، بۆیە ئومێد دەخوازین ئەو بۆنە پیرۆزە دەرفەتێک بێت بۆ زیاتر قووڵکردنەوەی گیانی پێکەوەژیان و دابینکردنی ئارامیی و ئاسوودەیی بۆ تەواوی چین و توێژەکانی کۆمەڵگەو پێکھاتە جیاجیاکانی گەلەکەمان، ھەروەھا موژدەبەخشی زیاتری خۆشگوزەرانی و خێروخۆشی بێت بۆ گەلەکەمان بەتایبەتی لەو ھەلومەرجەی ئەمڕۆماندا  بۆ چارەسەرکردن و  یەکلاییکردنەوەی گیروگرفت و کێشەکان و کۆتاییھێنان بە دەردەسەریی و مەینەتییەکان و گەیشتن بە ئامانج و داخوازیە رەواکانمان.

 

ئاواتەخوازین ئەو بۆنە پیرۆزە ببێتە مایەی ئایندەیەکی گەش بۆ گەلەکەمان و کوردستانیش ھەر لە پێشکەوتن و ئاوەدانیی و ئارامیی دا بێت.

 

جارێکی دیکە جەژنی قوربانی پیرۆز لە ھەموو لایەک پیرۆز بێت.

 

مەکتەبی سیاسی  پارتی دیموکراتی کوردستان





ئەم هەواڵە 4660جار خوێندراوەتەوە
 
 
ڤیدیۆ گەلەری
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
ڤیدیۆیی .. ساتی کوشتنی تارا فارس
ھەڵۆیەک ھەوڵی رفاندنی منداڵێک دەدات
چەند دیمەنێکی سامناکی زریان و گەردەلوولەکەی ئەمریکا
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad