English | عربی | Kurdî دواهەواڵ
ڕاستەوخۆ  
 
به‌ڕێوەبه‌رى ناحیه‌یەک له‌ به‌عاج: تیرۆرستانى داعش به‌ ئاسانى هاتوچۆ لەنێوان عێراق و سووریادا ده‌كه‌ن
2018-08-23 [07:18 AM]

ZNA- ھەولێر


عەبدولحەمید قاسم، به‌ڕێوەبه‌رى ناحیه‌ى قه‌یره‌وان سه‌ر به‌ قه‌زاى به‌عاج،  رای گەیاند: تیرۆرستانى داعش به‌ئاسانى هاتوچۆ له‌ سنووری نێوان عێراق و سووریا، له‌ به‌عاج و قه‌یره‌وان و ته‌له‌عفه‌ر و حه‌زه‌ردا ده‌كەن و کردەوەی تیرۆیستییش بەڕێوە دەبەن.


عەبدولحەمید گوتیشى: ”ڕۆژ به‌ ڕۆژ چالاكییه‌كانى تیرۆرستانى داعش له‌ قه‌زاى به‌عاج زیاد ده‌كات، حكوومه‌تى عێراق و حه‌شدى شه‌عبیش هه‌تا ئێستاش نه‌یانتوانیوه‌ كۆنتڕۆڵى قه‌زاكه‌مان بكه‌ن، له‌و سێ ده‌ڤه‌ره‌دا داعش داواى له‌ خه‌ڵكه‌كه‌ى كردووه‌ سنووره‌كه‌یان نه‌به‌زێنن، واتا داعش سنوورى تایبه‌تیى خۆى له‌ به‌عاج و حه‌زه‌ر و ته‌له‌عفه‌ر ده‌ستنیشان كردووه‌“.


هه‌روه‌ها ئاشكرای كرد: ”ته‌نیا پێشمه‌رگه‌ ده‌توانێت ئه‌م دۆخە ئارام بكاته‌وه‌، هه‌رچه‌ند زیاتر داعش له‌و ده‌ڤه‌رانه‌ بێت، قوربانیى زیاتر ده‌بێت، چونكه‌ ڕێژه‌یه‌كى زۆر سوننه‌ و شیعه‌ و توركمانى تێدایه‌“.


به‌ڕێوەبه‌رى ناحیه‌ى قه‌یره‌وان ئاشكراى كرد: ”وا دیاره‌ حه‌شدى شه‌عبى ناتوانێت شه‌ڕ له‌گه‌ڵ تیرۆریستانى ئه‌و ناوچانه‌دا بكات، تا ئێستاش داعش له‌ سێ قه‌زاى سه‌ر به‌ پارێزگاى مووسڵ کردەوەی تیرۆریستیی هەیە، ژماره‌ى تیرۆریسته‌كانیش نه‌زانراوه‌، چونكه‌ ئه‌و قه‌زایانه‌ى داعشی لێ كۆ بووەته‌وه‌ بیابانن و هیچ هێزێكى حه‌شدى شه‌عبى و حكوومه‌تى عێراق له‌و ناوچانه‌دا نیین“.





ئەم هەواڵە 10501جار خوێندراوەتەوە
 
 
ڤیدیۆ گەلەری
ڤیدیۆیی .... بە ئاگر و شمشێر قژی ئافرەتان رێکدەخات
فرۆکەوانێک بەم شێوەیە رێز لە مامۆستاکەی دەگرێت
کچێک بە موعجیزە رزگاری دەبێت
لە عێراق بەم شێوەیە ئاوی باران لادەدەن ، بە دڵنیایی دوو جار سەیری دەکەیەوە
چەند دیمەنێک لە لافاوەکە فەرەنسا
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad