English | عربی | Kurdî دواهەواڵ
ڕاستەوخۆ  
 
گەنجێکی ھەولێر لەکاتی رزگارکردنی خوشکەکەی گیانی لەدەستدا 
2018-08-26 [02:36 AM]

ZNA – ھەولێر 




پاشنیوەڕۆی ئەمڕۆ یەکشەممە گەنجێک لە ئاوی دەربەندی رانیە خنکا، گوتەبێژی بەرگریی شارستانی راپەڕین دەڵێت، خوشکەکەی کەوتووەتە نێو ئاوەکە و رزگارییکردووە، بەڵام خۆی خنکاوە.


حوسێن عەبدوڵڵا، گوتەبێژی بەرگریی شارستانی راپەڕین  رایگەیاند: " کاژێر ٢:٣٠ خولەکی ئەمڕۆ (یەکشەممە ٢٦-٨-٢٠١٨)، ھاونیشتمانییەکی خەڵکی ھەولێر کە بەمەبەستی گەشت و سەیران رووی لە دەربەندی رانیە کردبوو، خنکا و تەرمەکەیشی رەوانەی پزیشکی داد لە رانیە کراوە". 


گوتەبێژی بەرگریی شارستانی راپەڕین دەڵێت، ئەو گەنجە ناوی (کارزان سلێمان ئەحمەد)ـە و تەمەنی ٢٨ ساڵە و خەڵکی ھەولێرە. 

بەگوتەی حوسێن عەبدوڵڵا، ئەو رووداوە دوای ئەوە ھاتووە کاتێک خوشکی ئەو کەسە لەنێو ئاوەکەدا مەلەوانی کردووە و چووە بەھانایەوە بۆ ئەوەی نەخنکێت، بەڵام دوای ئەوەی خوشکەکەی رزگارکردووە خۆی خنکاوە. 

بەپێی ئامارەکانی بەرگریی شارستانی راپەڕین لە ماوەی ھەشت مانگی ئەمساڵدا حەوت کەس لە سنووری ئیدارەی راپەڕین خنکاون. 

سەرچاوە | رووداو 
 





ئەم هەواڵە 5917جار خوێندراوەتەوە
 
 
ڤیدیۆ گەلەری
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
ڤیدیۆیی .. ساتی کوشتنی تارا فارس
ھەڵۆیەک ھەوڵی رفاندنی منداڵێک دەدات
چەند دیمەنێکی سامناکی زریان و گەردەلوولەکەی ئەمریکا
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad