English | عربی | Kurdî دواهەواڵ
ڕاستەوخۆ  
 
كێ به‌رگرى له‌ ناسنامه‌ى كوردستانيبوونى كه‌ركووك ده‌كات؟
2018-08-26 [08:46 AM]

نووسینی: دڵشاد مەولوود


له‌ مێژووى نوێى كورد و كوردستاندا به‌ڵگه‌ مێژووييه‌كان ئه‌وه‌ ده‌سه‌لمێنن، كه‌ رابه‌رى نه‌ته‌وه‌يى كورد و كوردستان مسته‌فا بارزانى نه‌مر به‌ بڕيارێكى تاكتيكيش و له‌سه‌ر بچووكترين پرسى كوردستانيبوونى كه‌ركووك سازشى نه‌كرد و چونكه‌ ئه‌وه‌ هه‌ڵقوڵاوى بنه‌ماى شۆڕشه‌كه‌ى بوو، كه‌ كه‌ركووك دڵى كوردستانه‌ و جه‌سته‌ بێ دڵ نابێت و دڵيش ئه‌گه‌ر سه‌ت ساڵى ديكه‌ش داگير بكرێت، هه‌ر كوردستانه‌.
به‌ڵێ راسته‌، وا نزيكه‌ى يه‌ك ساڵه‌ كه‌ركووكى داگيركراو كه‌وتووه‌ته‌وه‌ ژێر سته‌م و جه‌ورى ميليشياكانى حه‌شد و سوپاى عێراق، هه‌موو كوردێكيش ئه‌و راستييه‌ ده‌زانێت، كه‌ ئه‌گه‌ر گرووپێكى خيانه‌تكار نه‌بوونايه‌، هه‌رگيز ئه‌و خه‌ونه‌ى حه‌شد و سوپاى عێراق نه‌ده‌هاته‌دى و پێشمه‌رگه‌ نه‌يده‌هێشت شاره‌كه‌ بكه‌وێته‌ ده‌ستيان وه‌ك ئه‌وه‌ى نه‌يهێشت بكه‌وێته‌ ده‌ست داعش، هاوشێوه‌ى مووسڵ و رومادى و تكريت.
ناسنامه‌ى كه‌ركووك به‌ ئيمپراتۆرێكى گه‌وره‌ى وه‌ك عوسمانييه‌كان نه‌ سڕايه‌وه‌ و به‌ سته‌م و سياسه‌تى ئينگليزه‌كانيش نه‌شێوێندرا و به‌ سياسه‌تى ته‌عريب و ته‌بعيس و ته‌رحيلى به‌عسى فاشيستيش نه‌گۆڕدرا. ئێستاش به‌ وته‌ى ئه‌م به‌رپرس و ئه‌و سياسه‌توان ناگۆڕدرێت. كه‌ركووك شارى باوك و باپيرانى كورد و هه‌ر به‌ كوردستانيبوونيشى ده‌مێنێته‌وه‌.
له‌ 72 ساڵى رابردوودا پارتى و رێبه‌رايه‌تييه‌كه‌ى به‌رده‌وام بوونه‌ته‌ به‌رگريكارێكى راسته‌قينه‌ى پرسى كوردستانى بوونى كه‌ركووك و سه‌ره‌ڕاى خيانه‌تى ناوخۆيى ئه‌وه‌ى وره‌ و تواناى خۆڕاگرى و ئومێدى مانه‌وه‌ى به‌ خه‌ڵكه‌ ره‌سه‌نه‌كه‌ى كه‌ركووك به‌خشيوه‌ و بووه‌ته‌ پارێزه‌رى شوناسه‌ نه‌ته‌وه‌ييه‌كه‌ى كه‌ركووك په‌يامى دێرين و مێژوويى مسته‌فا بارزانى نه‌مره‌ كه‌ به‌ر له‌ ده‌يان ساڵ درووشمى كه‌ركووك دڵى كوردستانه‌ى به‌رزكردووه‌ته‌وه‌ و پارتى و رێباز بارزانى له‌ پێناوييدا هه‌زاران قوربانى داوه‌. 
ئه‌مڕۆش له‌ سايه‌ى بوونى سه‌رۆك بارزانى و سياسه‌تى واقيعيانه‌ و كوردستانييانه‌ى سه‌رۆك، توانرا به‌سه‌ر گه‌وره‌ترين خيانه‌تى سه‌ده‌دا سه‌ركه‌وين و پارێزگارى له‌ ناسنامه‌ى كوردستانيبوونى كه‌ركووك بكرێت و ئه‌و په‌يامه‌ بگه‌يه‌نرێته‌ دوژمنانى كورد و كوردستان، كه‌ هه‌رچه‌ند به‌ خيانه‌ت و خه‌نجه‌رى ژه‌هراوى له‌ پشته‌وه‌ توانيتان بۆ ماوه‌يه‌كى كاتيش كه‌ركووك داگير بكه‌نه‌وه‌، به‌ڵام هه‌رگيز ناتوانن كوردستانيبوون و مۆركى كوردى شاره‌كه‌ بسڕنه‌وه‌، چونكه‌ پارتێك به‌ رێبه‌رايه‌تى سه‌رۆك بارزانى له‌ سه‌نگه‌رى كوردستانيبوونى كه‌ركووكه‌وه‌ به‌رگرى له‌ ناسنامه‌ى ره‌سه‌نى شاره‌كه‌ ده‌كات.





ئەم هەواڵە 3007جار خوێندراوەتەوە
 
 
ڤیدیۆ گەلەری
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
ڤیدیۆیی .. ساتی کوشتنی تارا فارس
ھەڵۆیەک ھەوڵی رفاندنی منداڵێک دەدات
چەند دیمەنێکی سامناکی زریان و گەردەلوولەکەی ئەمریکا
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad