English | عربی | Kurdî دواهەواڵ
ڕاستەوخۆ  
 
رۆژی به‌خاك سپاردنی ته‌رمی چۆن مه‌ككین دیاری كرا
2018-08-27 [06:44 AM]

​ZNA – هه‌ولێر


بەپێی هەواڵی میدیا ئەمریکییەکان، رۆژی چوارشەممە 29/8/2018، تەرمی جۆن مەککین  سیناتۆری پارتی کۆماریی ئەمریکا و سەرۆکی لێژنەی ئاسایش و بەرگریی کۆنگرێسی ئەمریکا دەبرێتە باڵەخانەی کۆنگرێس لە شاری  فینیکس لە ویلایەتی ئەریزۆنا.

هەروەها رۆژی پێنجشەممە لە کەنیسەی ئینجیلی لە باکووری ئاناپۆلس رێوڕەسمی نوێژکردن لەسەر تەرمی جۆن مەککین ئەنجام دەدرێت و دواتر تەرمەکە دەبرێتە بنکەیەکی ئاسمانیی سەر بە پاسەوانی نیشتمانیی ویلایەتی ئەریزۆنا و بە فڕۆکەیەک دەنێردرێتە واشنتن.

دواتر لە رۆژی هەینیدا، تەرمی جۆن مەککین دەبرێتە باڵەخانەی کاپیتۆڵ لە واشنتن و ماوەی شەش کاتژمێر دادەنرێت تاوەکو خەڵکی بتوانن بۆ دواجار سەیری بکەن.

تەرمی ئەو سیناتۆرە ئەمریکییە رۆژی شەممە دەبرێتە کاتدرائیی نیشتمانی و لەوێش بە ئامادەبوونی دەیان سەرکردەی باڵای ئەمریکا و جیهان، رێوڕەسمێکی بۆ ساز دەکرێت.

هەروەک میدیا ئەمریکییەکان باسی دەکەن، رۆژی یەکشەممە 2/9/2018 تەرمی جۆن مەککین لە گۆڕستانی ئەکادیمیای دەریایی لە ئەناپۆلس لە ویلایەتی میریلاند لە تەنیشت گۆڕی جەنەڕال چاک لارسۆنی هاوڕێی دەنێژرێت، کە لە سەرەتای کاروانی سەربازییەوە هاوڕێی بووە.

 





ئەم هەواڵە 4825جار خوێندراوەتەوە
 
 
ڤیدیۆ گەلەری
فرۆکەوانێک بەم شێوەیە رێز لە مامۆستاکەی دەگرێت
کچێک بە موعجیزە رزگاری دەبێت
لە عێراق بەم شێوەیە ئاوی باران لادەدەن ، بە دڵنیایی دوو جار سەیری دەکەیەوە
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad