English | عربی | Kurdî دواهەواڵ
ڕاستەوخۆ  
 
چەند جۆرە دەرمانێكی ساختە ئاشكرا ده‌كرێت
2018-08-28 [05:57 AM]

ZNA – هه‌ولێر


بەپێی چەند بەڵگەنامەیەك، بەڕێوەبەرایەتیی كۆنتڕۆڵی جۆریی دەرمان لە هەرێمی كوردستان چەندین حەب و دەرمانی ساختە ئاشكرا دەكات و قەدەغەیان دەكات.

بەپێی چەند بەڵگەنامەیەكی بەڕێوەبەرایەتیی كۆنتڕۆڵی جۆریی دەرمان (KMCA) ، چەند جۆرە حەب و دەرمانێكی نایاسایی لە كوردستان هەیە و قەدەغە كراون.

بەڕێوبەرایەتی كۆنتڕۆڵی جۆری دەرمان بۆ بەرەنگاربوونەوەی دەرمانی ساختە و كوالیتی خراپ، بەشی چاودێری بازار دەستی بەسەر دوو ژماره باچی حەبی ساختەی( Amaryl )، بە ژمارەی باچەكانی "E857" و "1E515" دا گرتووە.

ئه‌و ئاشكرای كرد، ئەو حه‌به‌ بۆ نەخۆشی شەكرە بەكاردێت، چەند نمونەیەكی ئەو حەبە بۆ بەشی تاقیگەی بەڕێوبەرایەتی كۆنتڕۆڵی جۆری دەرمان نێردراوە، لە ئەنجامی پشكنینەكان دەركەوتووە كە ئەم دەرمانانه ساختەیە.

بە پێی بەڵگەنامەیەكی تری ، كۆنتڕۆڵی جۆری دەرمان،  دەرمانی(Plavix) كە بۆ نەخۆشیەكانی دڵ بەكاردێت ،چەند نمونەیەكی بۆ بەشی تاقیگەی بەڕێوبەرایەتی كۆنتڕۆڵی جۆری دەرمان نێردراو لە ئەنجامدا پشكنینەكان دەریانخست كە وا دەرمانی ناوبراو ساختەیه.

لە لایه‌كی تر بە پێی نووسراوی وەزارەتی تەندروستی عێراق كە بۆ وەزارەتی تەندروستی هەرێمی كوردستان نێرداوە دوو جۆر دەرمان قەردەغەكراوە، چونكە ئەودەرمانە دەرمانی ساختەن و هیچ كاریگەرییەكی چارەسەریی نییه بۆ نەخۆش.

ناوی دەرمانەكانیش" 3KT9A Sanofi Daonil (Glibenclamide 5mg Tab و KX95408 Novo nordisk Norditropin (SimpliXx)". بەڕێوبەرایەتی كۆنترۆڵی جۆری دەرمان، داوا لەسەرجەم كۆگاكانی دەرمان و دەرمانخانەكان دەكات بە ھیچ شێوەیەك مامەڵە بە ئەم حەبانەوه نەكەن، بەپێچەوانەوە ڕووبەڕووی سزای یاسایی توند دەبنەوە.

 دواشی لە ھاوڵاتیان كردووە بە هیچ جۆرێك ئەو حەبە نەكڕن. د.گۆران ڕۆژبەیانی، بەرێوەبەری كۆنترۆِلی دەرمان لە وەزارەتی تەندروستی بە باسی راگەیاند: ئەو حەب و دەرمانانە لە هەر شوێنێك هەبێت رێكاری یاساییان لە دژ دەگیرێتەبەر، گوتیشی:" هەر جۆرە دەرمانێكی قەدەغەكراو و یان دەرنەچوو لە پشكنین لە دەرمانخانەیەك یان لە كۆگایەكدا ببیندرێت ئەوە ئەو شوێنە دەدرێتە دادگا و ئەو كارەشمان كردووە و بەردەوامیشین".

 





ئەم هەواڵە 5767جار خوێندراوەتەوە
 
 
ڤیدیۆ گەلەری
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
ڤیدیۆیی .. ساتی کوشتنی تارا فارس
ھەڵۆیەک ھەوڵی رفاندنی منداڵێک دەدات
چەند دیمەنێکی سامناکی زریان و گەردەلوولەکەی ئەمریکا
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad