English | عربی | Kurdî دواهەواڵ
ڕاستەوخۆ  
 
حەنان فەتلاوی : ئەمریکا فشارێکی زۆر لەسەر سەرۆک لیستەکان دەکات
2018-08-29 [08:17 AM]

ZNA- ھەولێر


ئه‌ندامێكى هاوپه‌یمانى فه‌تح، جه‌خت ده‌كاته‌وه‌، كه‌ له‌لایه‌ن باڵیۆزخانه‌ى ئه‌مریكا له‌ به‌غدا، فشارێكی زۆر له‌ سه‌رۆكى كوتله‌ سیاسییه‌كان ده‌كرێت بۆ ئه‌وه‌ى پشتیوانى له‌ كاندیدێكى دیاری كراو بۆ سه‌رۆكایه‌تى حكوومه‌تى داهاتوو، بكه‌ن.


حه‌نان فه‌تلاوى، سه‌رۆكى حزبى ئیراده‌، ڕای گه‌یاند: "باڵیۆزخانه‌ى واشنتۆن له‌ به‌غدا، به‌رده‌وامه‌ له‌ فشاره‌كانى و به‌شێوه‌ى ڕاسته‌وخۆ فشار له‌سه‌ر په‌رله‌مانتاران ده‌كات بۆ ئه‌وه‌ى پشتیوانى له‌ كاندیدێكی دیاریكراو بكه‌ن".

 

فه‌تلاوى ئه‌و جۆره‌ فشاره‌ ڕه‌ت ده‌كاته‌وه‌ و جه‌ختیش ده‌كاته‌وه‌، كه‌ ده‌بێت بڕیاره‌كه‌ عێراقی بێت به‌ بێ ده‌ستێوه‌ردانى ده‌ره‌كى.


ئه‌و ئه‌ندامه‌ى هاوپه‌یمانێتى فه‌تح، هه‌رچه‌نده‌ ناوى كاندیده‌ دیاریكراوه‌كه‌ى ئه‌مریكاى نه‌هێنا، به‌ڵام ئاماژه‌ى به‌وه‌دا، كه‌ ئه‌و كه‌سه‌ى ده‌یه‌وێت به‌فشارى ئه‌مریكا بگه‌ڕێته‌وه‌ بۆ سه‌ر كورسى ده‌سه‌ڵات، ده‌بێت شه‌رم دایبگرێت.


حه‌نان فه‌تلاوى، گوتیشی: "ئه‌وه‌ى نه‌یتوانى به‌ ئیراده‌ى گه‌ل و لایه‌نه‌ سیاسییه‌ نیشتمانییه‌كان بۆ سه‌ر ده‌سه‌ڵات بگه‌ڕێته‌وه‌، شووره‌ییه‌ به‌ ئیراده‌ى ئه‌مریكا بگه‌ڕێته‌وه‌".


به‌پێی ڕاپۆرته‌ میدیاییه‌كان و لێدوانه‌ سیاسییه‌كان، دوو به‌ره‌ بۆ پێكهێنانى گه‌وره‌ترین كوتله‌ى په‌رله‌مانى له‌ كێبڕكێدان، به‌ره‌ى نوورى مالیكی، كه‌ بریتییه‌ له‌ لیستى فه‌تح و ئیئتلافی ده‌وڵه‌تى یاسا و چه‌ند لایه‌نێكى تر ، له‌گه‌ڵ به‌ره‌ى حه‌یده‌ر عه‌بادی، كه‌ پێكهاتووه‌ له‌ لیستى نه‌سڕ و سائیرون و حیكمه‌.





ئەم هەواڵە 9595جار خوێندراوەتەوە
 
 
ڤیدیۆ گەلەری
ڤیدیۆیی .... بە ئاگر و شمشێر قژی ئافرەتان رێکدەخات
فرۆکەوانێک بەم شێوەیە رێز لە مامۆستاکەی دەگرێت
کچێک بە موعجیزە رزگاری دەبێت
لە عێراق بەم شێوەیە ئاوی باران لادەدەن ، بە دڵنیایی دوو جار سەیری دەکەیەوە
چەند دیمەنێک لە لافاوەکە فەرەنسا
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad