English | عربی | Kurdî دواهەواڵ
ڕاستەوخۆ  
 
جەنگێکی شاراوەی ئێران ئاشکرا دەکرێت
2018-08-29 [08:51 AM]

ZNA- هه‌ولێر


کۆماری ئیسلامی ئێران  دەیان ئەکاونت و وێبسایتی بە 11 زمانی جیاواز بۆ دروستکردنی کاریگەری سیاسی لەسەر بەکاربەرانی ئینتەرنێت دروستکردووە، کۆمپانیاکانی بواری ئینتەرنێتیش لێکۆڵینەوەکانییان دەستپێکردووە و هەوڵی سڕینەوەیان دەدەن.

بە گوێرەی بە دواداچوونێکی ئاژانسی هەواڵی رۆیتەرز، کۆمپانیای  فەیسبووک و کۆمپانیاکانی دیکەی پەیوەند بە تۆڕە کۆمەڵایەتییەکان، دەیان ئەکاونت و وێباسایتیان دەستنیشانکردووە کە کاریان تەنها کارکردنە لەسەر هاووڵاتیانی وڵاتانی دەرەوەی ئێران، بەجۆرێک کاریگەری سیاسی دروستبکەن لەسەریان.

وێبسایتەکان کە دیارترینیان (ئای یو ڤی ئێم) ە، لەلایەن تەلەفزیۆنی ئێران، فارس نیوز و تەلەڤزیۆنی ئەلمەنار ئاراستە دەکرێن و گروپەکانی حزبوڵاش دەستی باڵایان لە بەڕێوەبردنیان هەیە.

لێکۆڵینەوەکان

جەی نانکارۆ، وتەبێژی فەیسبووک، بە رۆیتەرزی راگەیاندووە، فەیسبووک بەردەوامە لە لێکۆڵینەوە و تاکو ئێستاش چەندین پەیج و ئەکاونتی سەر بە ئێرانیان داخستووە.

کۆمپانیای تویتەریش لای خۆیەوە 486 ئەکاونتی سریوەتەوە و پێداچوونەوەش بۆ 770 ئەکاونت دەکات کە سەر بە ئێران و میلیشیا شیعەکانن.

ئێران لە رێگای بەرنامەکانی مۆبایل، کەناڵی یوتیوب، ئینستاگرام، خزمەتگوزاری هەواڵی خێرا، کارتۆن و وێنەی گاڵتەجاری ئیسرائیل و سعودییە. دەیەوێت جیۆپۆلیتیکی کاریگەر بکات و هەژموونی بۆ وڵاتانی دیکە بگوازێتەوە.

رۆیتەرز زانیوویەتی، ئای یو ڤی ێم، کە سەرچاوە و کۆکەرەوەی زۆرێک لەو وێبسایت و ئەکاونتانەیە، بە زمانەکانی ئینگلیزی، فەرەنسی، عەرەبی، فارسی، ئوردو، پشتو، رووسی، هیندی، ئازەری، تورکی و ئیسپانی کارەکانیان دەکەن.





ئەم هەواڵە 40156جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad