English | عربی | Kurdî دواهەواڵ
ڕاستەوخۆ  
 
سەرۆك بارزانی پێشوازی لە جێگری وەزیری وزەی ڕووسیا دەكات
2018-08-30 [11:24 AM]

ZNA-هەولێر


ئه‌مڕۆ پێنجشەممە 30ـی 8ـی 2018 لە سەلاحەددین سەرۆك بارزانی پێشوازی لە پاڤێڵ سۆرۆكین جێگری وەزیری وزەی ڕووسیای فیدڕاڵ و شاندێ یاوەری كرد.

لە دیدارەكەدا جێگری وەزیری وزەی ڕووسیا وێڕای ئاماژەدان بە ئەو تەحەدییاتەی كە گەلی كوردستان تێیپەڕاندووە خۆشحاڵی خۆی بە سەرۆك بارزانی گەیاند لەوەی كە هەرێمی كوردستان سەرباری گرفتەكان لە پێشكەوتنی بەردەوامدایە و ئەوەیشی خستەڕوو كە هەرێمی كوردستان بۆ ڕووسیا بایەخێكی تایبەتی هەیە و هەرێمی كوردستان داهاتوویەكی گەش چاوەڕوانیەتی. 

داواشی كرد پەیوەندییەكانی نێوان ڕووسیا و هەرێمی كوردستان لە بوارەكانی نەوت و وزە و تەكنەلۆژیای تازە و بوارەكانی تر بەرفراوانتر ببێت.

لەبەرانبەردا سەرۆك بارزانی سوپاسی هەوڵوێستی دۆستانەی ڕووسیا و سەرۆك پۆتینی كرد لەبەرانبەر گەلی كوردستان و پەیوەندیی نێوان گەلی كوردستان و گەلی ڕووسیای بە مێژوویی و دۆستانە لە قەڵەمدا و جەختیشی لەوە كردەوە پشتیوانی لە پەرەپێدان و بەرەوپێشچوونی پەیوەندیی نێوان هەرێمی كوردستان و ڕووسیا دەكات لە گشت بوارەكاندا.





ئەم هەواڵە 6028جار خوێندراوەتەوە
 
 
ڤیدیۆ گەلەری
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
ڤیدیۆیی .. ساتی کوشتنی تارا فارس
ھەڵۆیەک ھەوڵی رفاندنی منداڵێک دەدات
چەند دیمەنێکی سامناکی زریان و گەردەلوولەکەی ئەمریکا
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad