English | عربی | Kurdî دواهەواڵ
ڕاستەوخۆ  
 
بیانوی ..... نانی جۆیە ! بابەتێک لەبارەی کۆمسێۆنەوە چەند زانیاریەک
2018-08-30 [03:16 AM]

ZNA - هه‌ولێر



یەکێتی و گۆڕان و کۆمەڵ لەئەنجامدانی ھەڵبژاردن دەترسن ، ھەنجەت بە تۆماری دەنگدەران دەگرن !

 

سەرەتا دەبێ بزانن کە کۆمسیۆن لە ٩ ئەندام پێکھاتووە .

٣ ئەندام پارتی

٢ ئەندام یەکێتی

٢ ئەندام گۆڕان

١ ئەندام یەکگرتوو

١ ئەندام کۆمەڵ .

واتا ئەوان خۆیان زۆرینەن !

 

سەرۆکی بازنەی ھەڵبژاردن (رئیس الدائرة الانتخابية) کە بە روحی کۆمسیۆن و ھەڵبژاردن دادەنرێ ، لەلای بزوتنەوەی گۆڕانە .

ئەو ئامارەی ئێستا ھەیە دوای پێداچوونەوە ٢٥٠ ھەزار ناو جیاوازی ھەیە لەگەڵ تۆماری پێشوو ، واتا ٢٥٠ ناو رەشکراوەتەوە .

ئاماری پێشوو ھەمان ئەو ئامارە بوو کە ھەڵبژاردنی پەڕلەمانی عێراقی پێ ئەنجام درا !

بۆ ئەو کات ھیچ کێشەیەکیان لەگەڵی نەبوو بۆ ھەڵبژاردنی پەڕلەمانی عێراق؟

خێرە ئیستا کێشەیان لەگەڵ ئەو تۆمارە ھەیە کە زۆر زۆر پاکترە لە ئامارەکەی پێشوو .

 

بیانوو دەھێننەوە کە گوایە ٦٤ ھەزار دەنگ گەڕێنراوەتەوە ناو تۆمارەکە !

ئەوە لەراستیەوە دوورە بەڵکو دەیانەوێ خەڵکی پێ چەواشە بکەن !

 

راستیەکەی بەم جۆرەیە با ھەموو لایەک بیزانن .

ئەو ٦٤ ھەزار ناوە پێشتر سڕ کرابوون نەک رەشکرابنەوە ، واتا دوای لێکۆڵینەوە لێییان بڕیار لەسەر رەشکردنەوە یان گەرانەوەیان دەدرێ بۆ ناو تۆماری دەنگدەران .

ئەویش بەم شێوەیە ....

بڕیارێک لە حکومەتی عێراق ھەیە کە ئەوانەی داھات و دەخلیان زۆرە ناویان لە فۆڕمی خۆراک رەشدەکرێتەوە بۆیە چەند ھەزار ناوێک شمولی ئەو بڕیارەی کردووە ، کەسێک کە دەخلی زۆرە مانای ئەوە ناگەیەنێ کە مافی دەنگدانی لێ وەربگیرێتەوە بۆیە ئەو ناوانە دەبێ بگەڕێنرێنەوە و کۆمسیۆنیش بریاری لەسەر دەدات .

ژمارەیەکی تر ناو سڕ کراوە کە تەمەنیان لە نێوان ٩٠ تا ١٠٠ ساڵە ، دوای لێکۆلینەوە ژمارەیەکی زۆریان لە ژیان ماون ، ئەوەی ماوە لەژیان دەبێ بگەڕێنرێنەوە .

چەند ھەزار ناوێکیش ناوی لەیەکچوون کە ناوی سیانیان وەک یەکە .

 

نوێنەرانی ئەو حزبانە کە لەناو کۆمسیۆنن زۆر بەراشکاوی وەڵامی ئەو تانەی ئەو حزبانەیان داوەتەوە بەڵام حزبەکان خۆیان لێی لەگێلی دەدەن ، ئەوان لە ھەڵبژاردن دەترسن بۆیە وەڵامەکانیان لەلا گرنگ نیە .

 

لەلایەکی تر ، ئەو ناوانەی سڕکراون ھی ھەموو ناوچەکانە لەنیوچەوانی کەسیان نەنوسراوە کە پارتین یان گۆڕانن یان ھەر لایەنێکی ترن ، ئەگەر ھەر ئەوە بیانووی ئەو حزبانەیە ، حەقوایە پارتی ئەو ھەنجەتەشیان ببڕێ و داوای رەشکردنەوەیان بکات ، ئەوکات چیتر دەکەن بە بیانوو !

 

کۆمسیۆن تا ئێستا ٩ ملیۆن دۆلار زیاتری خەرج کردووە و ژمارەیەکی زۆریش خەڵکی دامەزراندووە ، بە دواخستنی ئەو پارە زۆرە بەفیڕۆ دەروات کە پارەکەش پارەی میللەتە ، خێرە ئێستا گرنگی بە پارەی میللەت نادەن ، ئەی ئەوان نەبوون رەخنەیان لە تەخشان و پەخشانکردنی پارە دەگرت ؟

ئێستا ئەو حزبانە رێک دژی دروشمەکانی رابردووی خۆیان ھەڵسوکەوت دەکەن !

 

نیازحاجیبابەت





ئەم هەواڵە 448جار خوێندراوەتەوە
 
 
ڤیدیۆ گەلەری
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
ڤیدیۆیی .. ساتی کوشتنی تارا فارس
ھەڵۆیەک ھەوڵی رفاندنی منداڵێک دەدات
چەند دیمەنێکی سامناکی زریان و گەردەلوولەکەی ئەمریکا
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad